13.03.2012 / 15:05

МЗС разлічвае на аднаўленне супрацоўніцтва з шэрагам заходніх банкаў 1

Міністэрства замежных спраў Беларусі разлічвае на аднаўленне супрацоўніцтва з Deutsche Bank, BNP Paribas і The Royal Bank of Scotland. Пра гэта на прэс-канферэнцыі ў Мінску 13 сакавіка заявіў намеснік міністра замежных спраў Аляксандр Гур'янаў.

Каментуючы рашэнне трох еўрапейскіх банкаў спыніць супрацоўніцтва з Беларуссю, ён адзначыў, што гэта былі «аднаасобныя рашэнні пэўных банкаў, якія вырашылі апярэдзіць падзеі і ісці ў фарватары тых абмежавальных мер, якія былі ў дачыненні да Беларусі».

Паводле меркавання намесніка міністра, на рашэнне гэтых трох банкаў паўплываў той факт, што ў дачыненні да асобных прадпрыемстваў Беларусі дзейнічаюць санкцыі з боку ЗША. Банкі «вырашылі падтрымаць пазіцыю сваіх асноўных кліентаў у ЗША, але гэта іх асабістае рашэнне», падкрэсліў Гур’янаў.

Беларусь, сцвярджае ён, у выніку адмовы ад супрацоўніцтва пацярпела ў меншай ступені.
«Заўсёды ёсць выбар фінансавых структур, якія забяспечваюць нашы эканамічныя інтарэсы»,- растлумачыў намеснік міністра. Паводле яго меркавання, «у большай ступені пацярпелі самі банкі, якія пазбавіліся фінансавых патокаў з Беларусі».
Тым часам, адзначыў Гур’янаў, «мы спадзяёмся, што гэта рашэнне будзе перагледжана банкамі».

Як паведамлялася раней, у жніўні 2011 года аб спыненні супрацоўніцтва з Беларуссю заявіў The Royal Bank of Scotland, у кастрычніку аналагічнае рашэнне прынялі Deutsche Bank і BNP Paribas. Усе тры банкі разам з Ашчадбанкам РФ з’яўляюцца арганізатарамі двух выпускаў беларускіх еўрабондаў, размешчаных у сярэдзіне 2010 года і пачатку 2011 года, на агульную суму 1,8 млрд. долараў.

0
Счетовод из Шклова / Адказаць
13.03.2012 / 16:08
А что ты так забеспоколся, Гурьянов? Коль у тебя есть выбор, так вот и выбирай. И чего тогда надеяться на сотрудничество с теми, кто "поддержал, идя в форватере..."? Какие там у вас, нищих должников всем, капиталы и какие у Дойче Банка, чтобы ты тут лапшу на уши вешал, кто пострадал больше? Колхозникам с их красноречием надо на колхозных сходках выступать. А то берутся комментировать собственные сопли в голове так, что помереть со смеху можно!
Каб пакінуць каментар, калі ласка, актывуйце JavaScript у наладах свайго браўзеру