13.03.2012 / 15:48

Някляеў просіць Генпракуратуру разабрацца з Рубінавым 9

Лідар грамадзянскай кампаніі «Гавары праўду!», кандыдат у прэзідэнты Беларусі на выбарах 2010 года Уладзімір Някляеў просіць Генеральную пракуратуру даць прававую ацэнку выказванням старшыні Савета Рэспублікі Нацыянальнага сходу Анатоля Рубінава аб увядзенні ў Беларусі расійскага рубля.

Адпаведны ліст у Генпракуратуру накіраваны 13 сакавіка. У ім паведамляецца, што на старонках друкаванага органа Адміністрацыі прэзідэнта, газеты «Советская Белоруссия» ад 2 сакавіка 2012 года ў артыкуле «Грамадства. Улада. Час» Рубінаў выступіў за найхутчэйшае ўвядзенне ў Беларусі расійскага рубля як адзінай валюты Саюзнай дзяржавы.

«Падобнае выказванне адной з вышэйшых службовых асоб краіны, сама меней, здзіўляе, бо носіць адкрыта антыканстытуцыйны характар і скіраванае на пазбаўленне найважнейшай часткі суверэнітэту Беларусі»,
 — піша Някляеў. Ён спасылаецца на артыкул 136 Канстытуцыі, паводле якой толькі Нацбанк Беларусі мае выключнае права на эмісію грошай, і на артыкул 28 Банкаўскага кодэкса, згодна з якім выпуск у абарачэнне іншых грашовых адзінак, за выключэннем беларускага рубля, на тэрыторыі Беларусі забаронены.

У каментары БелаПАН Уладзімір Някляеў паведаміў, што не чакае ад Генпракуратуры адэкватнай рэакцыі на свой зварот.

«Гэта, хутчэй, зварот да беларускага народа і беларускага грамадства.
Беларускае грамадства заспакоена, што страта незалежнасці Беларусі — гэта нейкае абстрактнае паняцце, да якога яшчэ далёка. Не, мяркуючы па выказваннях Рубінава, гэта сапраўды рэальная пагроза, якую трэба прадухіліць», — заявіў палітык.

«Заявы такога плана, якія робіць не апошні дзяржаўны чыноўнік, выпадковымі не бываюць, — лічыць Някляеў. — Гэта пробны шар з мэтай выявіць настроі грамадства: „праглыне“ яно варыянт увядзення ў Беларусі расійскага рубля ці будзе абурацца. Таму я лічу, што нам трэба заявіць уладзе, што мы не будзем спакойна чакаць страты незалежнасці».

0
Правдоруб / Адказаць
13.03.2012 / 15:51
некляев абсолютно прав! Как я уже говорил, национальная валюта - один из необходимых признаков существования независимого государства. Призывы к её уничтожению - государственная измена
0
Димыч / Адказаць
13.03.2012 / 16:35
Поддерживаю. Осудить Рубинова на 5 лет и посадитьв колонию рядом Санниковым. Санникова отпустить. Остальных тоже.
0
Аляксей з Тулы / Адказаць
13.03.2012 / 16:45
Някляеў мае рацыю.
Паказаць усе каментары/ 9 /
Каб пакінуць каментар, калі ласка, актывуйце JavaScript у наладах свайго браўзеру