13.03.2012 / 15:54

Алена Каваленка звярнулася ў суд 3

13 сакавіка Алена Каваленка ад імя мужа звярнулася з заявай у суд Першамайскага раёна Віцебска да суддзі Алены Жук, якая судзіла Сяргея Каваленку. Жонка галадоўшчыка спрабуе дамагчыся, каб яму змянілі меру стрымання, што, на яе думку, можа дапамагчы спыніць галадоўку:

«Разумею, што суддзя будзе цягнуць час. Дагэтуль мае хадайніцтвы ў суд не разглядаліся, бо, маўляў, я не з’яўляюся ўдзельнікам працэсу. Таму заўтра гэтую ж заяву паўторыць яшчэ адвакат».

Параду звярнуцца ў суд Алене Каваленцы далі ў Генеральнай пракуратуры, куды жанчына звярталася ўчора, 12 сакавіка.

«Пракуратура не вырашае гэтага, яны сказалі. Калі б незаконна ўтрымлівалі, без дакументаў, яны б умяшаліся. А так — не. Мне патлумачыў такі начальнік Дарожка, з якім я ўчора размаўляла».

Новых звестак пра стан здароўя мужа ў Алены Каваленкі няма.

Сяргей Каваленка асуджаны на 2 гады і месяц за парушэнне ўмоваў адбыцця «хатняй хіміі», якую яму прысудзілі за вывешванне бел-чырвона-белага сцяга на ёлцы ў Віцебску.

0
Richtigman / Адказаць
13.03.2012 / 18:15
Wy,prychilniki <>, Za uzdym heraitschny - SCIAHA, Pazbauliaiecie zschyccia - PATRYOTA - MALAJCA ! SWABODU Siarhieiu Kawalienku !
0
Люка / Адказаць
13.03.2012 / 18:59
...О какой смене власти может идти речь вообще, когда наши люди только потрепаться рады только под громкими статьями - 17 лет протрепались зря.
0
прокурор / Адказаць
13.03.2012 / 21:48
Этот режим будут судить за геноцид белорусского народа. И ваши московские хозяева вам не помогут.
Каб пакінуць каментар, калі ласка, актывуйце JavaScript у наладах свайго браўзеру