13.03.2012 / 20:01

Халіп: «Не ўзгадаю ніводнага выпадку, калі Лукашэнка стрымаў сваё слова» 9

Жонка палітвязня не верыць у кампетэнцыю камісіі па памілаванні.

«Ёсць Лукашэнка — ёсць яго ворагі. І ўсё. І толькі ён, толькі адзін чалавек прымае рашэнні. Усе яго марыянеткі, пешкі, — гэта спектакль для нас з вамі, для журналістаў. Каб паказаць, што выконваецца працэдура. Няма ніякай працэдуры».
Так пракаментавала вестку пра тое, што камісія па памілаванні разгледзела зварот Андрэя Саннікава, жонка палітвязня Ірына Халіп.

У аўторак стала вядома, што камісія па памілаванні пры прэзідэнце днямі збіралася на чарговае пасяджэнне. Сярод іншых, члены камісіі разгледзелі прашэнні аб памілаванні асуджанага да смяротнага пакарання Уладзіслава Кавалёва, а таксама экс-кандыдата ў прэзідэнты Андрэя Саннікава і Змітра Бандарэнкі.

Пра гэта «Еўрарадыё» паведаміў член камісіі Мікалай Самасейка. Вось толькі аб тым, якое рашэнне прынята камісіяй, ён казаць адмовіўся.

— Адносна пасяджэння камісіі па памілаванні я ніякіх каментароў даваць не буду. Ні па Саннікаву, ні па тэрарыстах, ні па іншых значных ці малаважных справах.

Усе з’явіцца ў прэсе — гэта кампетэнцыя прэзідэнта, —
сказаў Самасейка.

Аднак ужо

праз дзве гадзіны стала вядома, што просьбы аб памілаванні Саннікава і Бандарэнкі камісія не разглядала.
Пра прычыны Самасейка расказаць адмовіўся.

— Менш за ўсё мяне цікавяць нейкія пасяджэнні.

Гэта прафанацыя, спроба выставіць ўсіх нас ідыётамі,
якія нібыта чагосьці чакаюць ад нейкіх невядомых людзей. Ёсць Лукашэнка — ёсць яго ворагі. І толькі ён, толькі адзін чалавек прымае рашэнні, — сцвярджае Халіп.
Жонка даўно не атрымлівала ніякіх вестак ад мужа.
Напярэдадні жаночага дня — 8 сакавіка — Халіп атрымала толькі паштоўку, у якой Андрэй Саннікаў віншаваў са святам усіх беларускіх жанчын. І ўсё. На гэтым тыдні адвакат таксама не зможа патрапіць да Андрэя Саннікава, які працуе ў першую змену.

Што тычыцца спатканняў з мужам, дык Ірына Халіп чакае толькі канца траўня:

— Андрэй мае права на адно спатканне ў чатыры месяцы — цяпер варта толькі чакаць канца траўня.

Яна не верыць Лукашэнку, а таму не верыць у хуткае вызваленне мужа:

— Не ўзгадаю ніводнага выпадку, калі Лукашэнка стрымаў бы сваё слова. Ён ні разу не выканаў сваіх абяцанняў, — заявіла жонка экс-кандыдата ў прэзідэнты.

Нагадаем, што палітвязень Андрэй Саннікаў напісаў прашэнне аб памілаванні 20 лістапада мінулага года. Але чамусьці ў МУС прашэнне патрапіла толькі праз месяц.

Як паведамляла на прэс-канферэнцыі Ірына Халіп, экс-кандыдат у прэзідэнты напісаў прашэнне аб памілаванні пад катаваннямі.

0
Правдоруб / Адказаць
13.03.2012 / 20:41
Не ўзгадаю ніводнага выпадку, калі Лукашэнка стрымаў бы сваё слова. Ён ні разу не выканаў сваіх абяцанняў, — заявіла жонка экс-кандыдата ў прэзідэнты Халип стоит стоить на кладбища. мужчины редко доживают до 55 лет. А потом вспомнить слова Лукашенко : "Белорусы будут жить плохо, но недолго". Ведь держит слово
0
Anatol Starkou / Адказаць
13.03.2012 / 22:19
нешта не тое друкуе першая беларуская газета - усё пра Лукашэнку ды пра Лукашэнку злукашэнилася ужо зусим гэта Наша Нива хоць бы пра маё Уручча што-небудзь змясцила
0
321-бах / Адказаць
13.03.2012 / 23:06
Узгадваю дзевяноста пяты год - калгаснік нахіляецца ў камеру БТ, б'е сябе ў грудзі і завывае - "Клянусь - цэны павышаем у паследні раз!"
Паказаць усе каментары/ 9 /
Каб пакінуць каментар, калі ласка, актывуйце JavaScript у наладах свайго браўзеру