14 сакавіка ў Мінску каля будынка Белдзяржфілармоніі актывісты «Zмены» -- моладзевага крыла кампаніі «Гавары праўду», правялі чарговы палітычны перформанс -- "На звалцы гісторыі».
Акцыя адбылася, нягледзячы на ўзмацненне рэпрэсій супраць моладзевых лідараў -- Паўла Вінаградава (асуджаны яшчэ на 7 сутак адміністрацыйнага арышту, цяпер знаходзіцца за кратамі) і Аляксандра Арцыбашава, які адбыў у турме 17 сутак.
Па паведамленні «Zмены»,
сэнс акцыі ў тым, што рана ці позна ўлада ўсё адно змяняецца, як бы ні чапляліся за яе асобныя людзі:«Вось ужо 18 гадоў ўлада ў Беларусі засяроджаная ў руках аднаго чалавека. Па яго шляху, мяркуючы па выніках нядаўніх прэзідэнцкіх выбараў, ідзе і Расія. Але рана ці позна ўсіх такіх «доўгаіграючую прэзідэнтаў» народ выкідае на звалку гісторыі, як мы выкідваем ў смеццевы бак дзіравы абутак».
Валёнкі з прэзідэнтамі прастаялі з паўгадзіны.Потым стары абутак і партрэты былі прыбраныя супрацоўнікамі міліцыі. Пакуль затрыманняў няма.
0
0
0
0
0
0
