22.03.2012 / 16:02

З 63% гадавых — да 35% 2

Беларускія банкі рэзка змяншаюць стаўкі па дэпазітах у рублях.

Банкі змяншаюць стаўкі па дэпазітах у беларускіх рублях.

Ужо цяпер найлепшая прапанова на працяглы (паўгода і больш) тэрмін з фіксаванай стаўкай — 37% гадавых.
Гэта нават менш за дзейсную стаўку рэфінансавання. Такую прыбытковасць гарантуе «Хоўм-Крэдыт-Банк».
З кароткатэрміновых укладаў з фіксаванай стаўкай больш за ўсё можна атрымаць ад «Беларусбанка», які прадае ашчаджальныя сертыфікаты на два месяцы пад 47% гадавых.

Што да ўкладаў з плаваючай стаўкай, то яшчэ можна адшукаць доўгатэрміновыя прапановы вышэй за 50%. Аднак са змяншэннем стаўкі рэфінансавання, анансаванай Аляксандрам Лукашэнкам і Надзеяй Ермаковай, іх прыбытковасць будзе істотна змяншацца.

Гэта адбываецца ўжо цяпер. Напрыклад, кліенты «Дэльта-Банка» у верасні 2011 года маглі пакласці рублі на дэпазіт «Жыві яскрава!» пад 63% гадавых з штомесячнай капіталізацыяй. З 22 красавіка стаўка па гэтым укладзе зменшыцца да 35%. Пры гэтым дакласці грошы на дэпазіт нельга з пачатку сакавіка.

У апошнія дні пра змяншэнне ставак абвяшчалі і іншыя банкі, напрыклад, дзяржаўны «Парытэтбанк».

ЯМ

0
м м в / Адказаць
22.03.2012 / 20:41
СКУПАЕМ РОССИЙСКУЮ ВАЛЮТУ !
0
321-бах / Адказаць
22.03.2012 / 20:42
Вось яна - галоўная фінансавая піраміда краіны - на чале з вярхоўна-пірамідальным.
Каб пакінуць каментар, калі ласка, актывуйце JavaScript у наладах свайго браўзеру