22.03.2012 / 17:24

Фотафакт: Рэктар БДУ паставіў подпіс за «Белорусь» 19

У дамове, якую рэктар падпісаў з японскім універсітэтам, афіцыйная назва краіны напісана з памылкай.

Рэктар Беларускага дзяржаўнага ўнівэрсытэту падпісаў дамову зь японскім унівэрсытэтам аб абмене студэнтамі і агульным навуковым супрацоўніцтве. Сяргей Абламейка паставіў агулам чатыры подпісы ў двух копіях дакументаў непасрэдна пад словам Белорусь і не звярнуў увагу на недарэчнасьць.

Пагадненьне аб навуковым абмене і супрацоўніцтве паміж Беларускім дзяржаўным унівэрсытэтам і Цукубскім унівэрсытэтам (University of Tsukuba, Японія) было падпісанае яшчэ месяц таму. Але толькі цяпер яго арыгінал трапіў у Сеціва.

Пагадненьне прадугледжвае абмен студэнтамі, выкладчыкамі і навуковымі супрацоўнікамі, а таксама арганізацыю сумесных навуковых дасьледаваньняў і канфэрэнцый. Верагодна, асноўны націск у супрацоўніцтве будзе зроблены на прыродазнаўчыя дысцыпліны: паралельна Абламейка дамовіўся аб сумеснай распрацоўцы лазэрных сыстэмаў, прызначаных для клінік, зь японскай кампаніяй Tokyo Instruments, Inc.

Але сапраўднасьць пагадненьня зь японскай ВНУ выклікае сумневы: у яго расейскамоўнай вэрсіі ўстрымліваецца памылка ў назьве краіны, ад якой, у тым ліку, паходзіць і назоў БДУ. Подпіс Сяргея Абламейка стаіць адразу пад недарэчным «РЕСПУБЛИКА БЕЛОРУСЬ».

0
жыхар / Адказаць
22.03.2012 / 17:45
калі працаваў у кампутарнай фірме да нас прыйшоў ноутбук на якім была назва краіны - BELARCUS
0
Валя / Адказаць
22.03.2012 / 17:58
жыхар, Может это на каком-нибудь языке так Беларусь пишется - BELARCUS. Если зайти в wikipedia - http://be.wikipedia.org/wiki/Беларусь И там слева есть ссылки на другие языки. И там к примеру, Bielorussia - Interlingua IBhelalasi - SiSwati Bjellorusia - Shqip Vitryssland - Svenska Wietruslound - Seeltersk Kviterussland - Norsk (nynorsk) Ruthenia_Alba - Latina и т.д.
0
жыхар / Адказаць
22.03.2012 / 18:03
я яе знайшоў.калі цікава. http://xmages.net/storage/10/1/0/5/d/upload/d6bf797e.jpg
Паказаць усе каментары/ 19 /
Каб пакінуць каментар, калі ласка, актывуйце JavaScript у наладах свайго браўзеру