22.03.2012 / 21:27

Пытанне аб павышэнні тарыфаў ЖКГ разглядаецца 3

Пытанне аб павышэнні тарыфаў на жыллёва-камунальныя паслугі для насельніцтва Беларусі разглядаецца цяпер. Аб гэтым паведаміў намеснік міністра жыллёва-камунальнай гаспадаркі Анатоль Шагун.

«Павышэнне тарыфаў на ЖКП — працэс непазбежны. С

ёння разглядаюцца варыянты павелічэння кошту жыллёва-камунальных паслуг для насельніцтва, аднак наколькі і калі яны падаражэюць — канчатковага рашэння не прынята»,
 — падкрэсліў намеснік міністра.

Паводле даных Белстата, тарыфы на жыллёва-камунальныя паслугі ў 2011 годзе выраслі ў сярэднім на 21,6 працэнта ў параўнанні з 2010 годам. Кошт газазабеспячэння для насельніцтва ў мінулым годзе павялічыўся на 72 працэнты, электразабеспячэння — на 16,7 працэнта, водазабеспячэння — на 14 працэнтаў, тэхабслугоўвання — на 8,5 працэнта.

Таксама Анатоль Шагун паведаміў, што ўдзельная вага аплаты ЖКП у Беларусі за двухпакаёвую кватэру плошчай 48 кв.м у даходах сям’і з двух чалавек захаваўся на ўзроўні 2011 года і складае 7–18 працэнтаў у залежнасці ад катэгорыі насельніцтва: працуючыя ў рэальным сектары эканомікі або бюджэтнай сферы і пенсіянеры. «Гэта сведчыць аб тым, што рост тарыфаў на жыллёва-камунальныя паслугі быў прывязаны да росту даходаў насельніцтва», — адзначыў ён.

Акрамя таго, намеснік міністра пракаменціраваў павелічэнне платы за ацяпленне ў лютым: «Павышэнне платы за ацяпленне ў лютым бягучага года было звязана з тым, што на працягу месяца даволі доўга захоўваліся нізкія тэмпературы, гэта павялічыла расход цеплавой энергіі. Да таго ж бягучы год высакосны — аплата за лютаўскія ЖКП вышэйшая на 2–3 працэнты, чым у звычайны год».

0
не разумею... / Адказаць
22.03.2012 / 21:37
яны ўсе рашаюць падымаць ці не тарыфы, а яны аднак конжны месяц усе болей і болей....((((
0
ІмІтатарам / Адказаць
22.03.2012 / 22:01
Слова ПаЛітыка нагадвае слова ПыЛасос Але, "пытаньне нельга палітызаваць" Як-быццам на гэтай будцы напісана: "Не залазь, ..."
0
Несцераў / Адказаць
22.03.2012 / 22:14
У лютым было халадней чым у студзені. Цалкам натуральна, што рахунак большы прыпоўз.
Каб пакінуць каментар, калі ласка, актывуйце JavaScript у наладах свайго браўзеру