Грамадства1313

Івашкевіча вінавацяць у падрыве суверэнітэту

Папярэджанне вынесла Генеральная пракуратура.

Прадстаўнік аргкамітэта па стварэнні партыі «Беларускі рух» Віктар Івашкевіч папярэджаны пра недапушчальнасць дзеянняў, якія могуць быць накіраваны на «падрыў дзяржаўнага суверэнітэту». Папярэджанне апазіцыйнаму палітыку было вынесена ў Генеральнай пракуратуры Рэспублікі Беларусь, куды яго выклікалі 27 сакавіка.

«Сёння ў 15.00 мне прапанавалі яшчэ раз падысці ў пракуратуру, дзе будзе выдадзена пісьмовае папярэджанне», — паведаміў Івашкевіч журналістам.

Паводле словаў палітыка, папярэджанне звязана з яго выказваннямі пра неабходнасць увядзення санкцый супраць беларускага рэжыму. «Я сябе не лічу вінаватым у падрыве дзяржаўнага суверэнітэту. Наадварот, дзеянні беларускіх уладаў, іх рэпрэсіі правакуюць і падштурхоўваюць да ўвядзення супраць краіны санкцый.

Не ад выказванняў Івашкевіча залежыць ўвядзенне санкцый, а ад паводзінаў уладаў», — падкрэсліў Івашкевіч.

Ён таксама паведаміў, што разглядае магчымасць звароту ў пракуратуру з просьбай ацаніць дзеянні беларускіх уладаў на прадмет падрыву дзяржаўнага суверэнітэту. «Я спытаў у пракуратуры, ці будуць яны разглядаць магчымыя дзеянні на падрыў дзяржсуверэнітэту, калі яны будуць зыходзіць з боку ўладаў, чыноўнікаў. Мне адказалі, што праверку могуць праводзіць у дачыненні да любога грамадзяніна», — распавёў палітык.

Нагадаем, 14 сакавіка Віктар Івашкевіч звярнуўся да ўрадаў еўрапейскіх краін з заклікам неадкладна ўвесці эмбарга на куплю і транспарціроўку беларускіх нафтапрадуктаў да вызвалення асуджанага апазіцыянера Сяргея Каваленкі, які трымае працяглую галадоўку і страціў больш за 30 кг вагі.

«Натуральна, дыктатар па добрай волі нікога не адпусціць. Значыць, яго трэба прымусіць гэта зрабіць. Прымусіць Лукашэнку выпусціць з турмы ўсіх палітвязняў, а ў першую чаргу Сяргея Каваленку, могуць толькі рэальныя эканамічныя санкцыі, такія як забарона урадамі краін Еўрапейскага саюза купляць і транспартаваць беларускія нафтапрадукты на іх тэрыторыі. Але для таго, каб такія санкцыі былі ўведзеныя, беларускім палітыкам, грамадскім дзеячам, усім беларусам, каго сапраўды хвалюе лёс Сяргея Каваленкі, неабходна тэрмінова, ясна і публічна запатрабаваць ад еўрапейскіх краін гэтыя санкцыі ўвесці. Таму я, Івашкевіч Віктар Антонавіч, сустаршыня Рады прадстаўнікоў Народных сходаў, адкрыта і публічна звяртаюся да ўрадаў еўрапейскіх краін з патрабаваннем неадкладнага забароны купляць і транспартаваць беларускія нафтапрадукты на іх тэрыторыі, інакш смерць Сяргея Каваленкі ляжа і на ваша сумленне», — гаварылася ў звароце палітыка.

Каментары13

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Маладую бібліятэкарку з Горак асудзілі за пратэсты3

Маладую бібліятэкарку з Горак асудзілі за пратэсты

Усе навіны →
Усе навіны

У лесе пад Рэчыцай заўважылі дзікабраза ВІДЭА1

У Жодзіне бацьку самому давялося дапамагаць дзіцяці пасля адмовы дактароў8

Беларускі стэндапер выступіў у акупаваным Марыупалі. Кажа, у гэтым няма палітыкі: Я толькі раблю сваю працу — як доктар12

Спявачка Каця IOWA апранулася па матывах карціны Шагала «Прагулка» ФОТА4

«Неяк да яе падсадзілі рэальную вар'ятку». Былая палітзняволеная расказала пра Марыю Калеснікаву1

У Бангладэш вайсковы самалёт пратараніў школу, у якой было шмат дзяцей

Вызначыліся магчымыя супернікі беларускіх клубаў у 3-м раўндзе кваліфікацыі еўракубкаў

Ціханоўскі паказаў сваю трэніроўку34

«Адмыла кватэру, а яна кажа: выязджай». Беларуска зняла аднапакаёўку ў Мінску, але гаспадыня ўбачыла «камуналку» і перадумала2

больш чытаных навін
больш лайканых навін

Маладую бібліятэкарку з Горак асудзілі за пратэсты3

Маладую бібліятэкарку з Горак асудзілі за пратэсты

Галоўнае
Усе навіны →

Заўвага:

 

 

 

 

Закрыць Паведаміць