27.03.2012 / 14:20

Паўтары тысячы беларусаў папрасілі прытулку ў Еўропе ў 2011 годзе 5

У той час, як у Беларусі прытулак папрасілі 90 чалавек.

Паводле апублікаванага сёння даклада Вярхоўнага камісара ААН у справах уцекачоў, у 44 «індустрыяльных краінах» свету ў 2011 годзе просьбу аб палітычным прытулку падалі 441 300 уцекачоў.

«Індустрыяльныя краіны» ў гэтай статыстыцы азначаюць увесь ЕС, Албанію, Боснію, Харватыю, Ісландыю, Ліхтэнштэйн, Чарнагорыю, Нарвегію, Сербію, Швейцарыю, Македонію, Турцыю, Аўстралію, Канаду, Японію, Новую Зеландыю, Карэю і ЗША.

Колькасць новых уцекачоў, зарэгістраваных на Захадзе ў 2011 годзе — найбольшая ад 2003 года, калі іх лік дасягнуў 505 000.

У Беларусі ў 2011 годзе былі пададзеныя 90 просьбаў на атрыманне прытулку (у 2010 — 150 просьбаў). А ў Еўропе у 2011 годзе папрасілі прытулку 1441 чалавек з Беларусі (у 2010 — 941).

У 2011 годзе найбольшую колькасць уцекачоў складалі афганцы, за імі былі кітайцы і іракцы.

Са згаданых 44 краінаў, найбольшая колькасць просьбаў аб прытулку была зарэгістраваная ў ЗША (74 000), Францыі (52 000) і Нямеччыне (46 000).

0
bajan / Адказаць
27.03.2012 / 14:51
Ці вы забыліся, спадарства, што мы яшчэ таксама Еўропа?
0
Несцераў / Адказаць
27.03.2012 / 15:16
Ці вы забыліся, спадарства, што мы яшчэ таксама Еўропа? ========== Не смяшыце.
0
Юрась Зянковіч / Адказаць
27.03.2012 / 16:25
У ЗША вялікая колькасьць просьбаў пра прытулак зьвязаная з асаблівасьцямі дэпартацыйнай працэдуры: калі чалавек не згаджаецца на дабраахвотную дэпартацыю, ягоная справа трапляе ў суд, дзе, часьцей за ўсё, у якасьці абароны ад дэпартацыі падаецца просьба пра прытулак. Гэты "фінт вушамі" дае магчымасьць прынамсі адтэрмінаваць дэпартацыю на 1-2 гады, а за гэты час можа шмат што зьмяніцца. Напрыклад, чалавек пабярэцца шлюбам з грамадзянінам, ці ёсьць яшчэ варыянты разьвіцьця падзеяў.
Паказаць усе каментары/ 5 /
Каб пакінуць каментар, калі ласка, актывуйце JavaScript у наладах свайго браўзеру