27.03.2012 / 20:29

Сяргея Каваленку пачынаюць карміць прымусова 7

Праз зонд.

«Сёння мужа пачнуць прымусова карміць праз зонд і могуць гэтым яго забіць, бо яму патрэбны зусім іншы выхад з галадоўкі», — паведаміла жонка Сяргея Каваленкі пасля спаткання з ім у калоніі «Віцьба-3»
у другой палове дня 27 сакавіка. Пра тое, што яго неўзабаве пачнуць прымусова карміць, паведаміў ёй сам Сяргей Каваленка.
Паводле Алены Каваленкі, яшчэ тры дні таму муж важыў 48 кілаграмаў 900 грамаў.
«Ён вельмі худы, скура ды косткі. Рукі сінія, вены абколатыя ад кропельніцы. Кажа, што ставілі адразу па дзве бутэлькі фізраствору, і пасьля гэтага пачалі балець ныркі і пячонка.
Яму вельмі холадна, бо тэмпература цела нізкая. Яму не дазволілі рабіць прамыванне страўніка, кажа, што пачалася атручанне арганізму. Вельмі слабы. На этапе рэчы свае несці не мог, дапамагалі канваіры і вязні.
Доўга не маглі ўзяць аналіз крыві — кроў з пальца не ішла», — паведаміла Каваленка.

Сяргей Каваленка яшчэ раз нагадаў жонцы пра палітычны характар сваёй галадоўкі.

«Ён падкрэсліў, што ягоныя правы на ўсіх этапах парушалі, нават не давалі дакументаў, каб ён мог абскардзіць прысуд», — кажа Алена Каваленка.
Сёння ў шпіталі «Віцьба-3» Сяргея Каваленку агледзеў лекар-адмысловец.
«Сяргей сказаў, што той паставіў яму дыягназ — анарэксія, гэта боязь патаўсцець, але сам Сяргей з такім дыягназам не згодны. Яшчэ доктар зазначыў, што Сяргей «паводзіць сябе адэкватна».
«І ўсё ж муж не выключае, што яму пачнуць уводзіць псіхатропныя сродкі. Яго трэба тэрмінова ратаваць», — кажа Алена Каваленка.

Сяргея Каваленку трымаюць у асобным пакоі пад дадатковым наглядам.

0
Wojsza / Адказаць
27.03.2012 / 21:54
+ + +
0
Бухгальтэр Вася / Адказаць
27.03.2012 / 21:58
Дзякуй Богу! Каб толькі позна ня было б...
0
Чыжоўка / Адказаць
27.03.2012 / 22:26
Свабоду Каваленку!!! Гэта адзінае спасенне!
Паказаць усе каментары/ 7 /
Каб пакінуць каментар, калі ласка, актывуйце JavaScript у наладах свайго браўзеру