Парламент Літвы ў першым чытанні ўхваліў прапанову 1 верасня даваць бацькам, якія выхоўваюць школьнікаў да 12 гадоў, выхадны на паўдня, за гэты час работніку будуць плаціць сярэдні заробак.
Адпаведны праект паправак да Працоўнага кодэкса ўхвалілі 52 дэпутаты, супраць прагаласаваў 1, 2 дэпутаты ўстрымаліся.
Ініцыятар праекта Агне Зуокене сказала, што 1 верасня многія бацькі, якія выхоўваюць дзяцей-школьнікаў, першыя паўдня фактычна не працуюць. Часцей за ўсё ў гэты дзень ім дае выхадны працадаўца. Аднак не ўсе працадаўцы хочуць даваць выхадны.
Бацькі, якія выхоўваюць двух і больш дзяцей да 12 гадоў, зараз бяруць дадатковы выхадны. Аднак бацькам, у якіх ёсць толькі адно дзіця такога ўзросту, такую магчымасць не далі,
таму, на думку Зуокене, як дзеці, так і бацькі ў першы дзень навучальнага года маюць моцнае напружанне з-за таго, што дзіця няма каму правесці ў школу.
0
0
0
0
0
0
