Нямеччына дабіваецца магчымасці лячыць экс-прэм’ерку Украіны Юлію Цімашэнка ў адной з берлінскіх клінік.
Пра гэта паведаміла агенцтва ДПА. Намеснік украінскага генпракурора Рэнат Кузьмін, які знаходзіцца з візітам у Нямеччыне, сказаў, што ўлады гатовыя да пошуку кампрамісу. Цімашэнка, асуджаная на 7 гадоў за перавышэнне службовых паўнамоцтваў, адбывае тэрмін у Качаноўскай жаночай калоніі ў Харкаве. Стан здароўя асуджанай, паводле яе сям’і, пагоршаў. У лютым Цімашэнку наведалі нямецкія дактары і рэкамендавалі лячэнне па-за межамі турэмнай установы.
0
0
0
0
0
0
