Пра гэта паведаміў начальнік службы гідраметэаралагічных прагнозаў Рэспубліканскага гідраметэацэнтра Дзмітрый Рабаў на відэабрыфінгу 2 красавіка на
Разам з тым, адзначыў ён, сённяшнія снег і завіруха не з’яўляюцца анамаліямі для гэтага перыяду. «Снег у пачатку красавіка выпадае часта», — сказаў сіноптык, адзначыўшы,
што, напрыклад, 9 красавіка 2003 года слой снегу ў Мінску дасягаў 6 см.
У аўторак, паведаміў Рабаў, надвор’е ў Беларусі ненадоўга палепшыцца — толькі месцамі магчымы невялікі кароткачасовы і мокры снег. У начныя і ранішнія часы на дарогах галалёдзіца. У асобных раёнах Віцебскай і Магілёўскай абласцей чакаецца ўзмацненне ветру з парывамі да 15–18
Паводле слоў сіноптыка, зацішша ў надвор’і будзе недоўгачасовым,
ужо ў сераду праз Беларусь чакаецца рух чарговага цыклону. Надвор’е будзе даволі кантрасным: на поўначы — зіма, на поўдні — вясна.На большай частцы тэрыторыі Беларусі пройдзе снег, мокры снег, па поўдні — з дажджом. Днём па паўночнай палове месцамі чакаецца моцны снег, наліпанне мокрага снегу. Ноччу і раніцай у асобных раёнах слабы галалёд, на дарогах галалёдзіца. Тэмпература паветра ноччу мінус 3°С — плюс 3°С, па паўночным усходзе пры праясненнях да мінус 7°С. Максімальная днём будзе вагацца ад 0°С на поўначы да плюс 13°С на поўдні краіны.
У чацвер захаваецца ўплыў цыклону, які будзе перамяшчацца ўглыб Расіі. Таму на большай частцы тэрыторыі Беларусі пройдуць ападкі ў выглядзе мокрага снегу і дажджу, а па поўначы Віцебскай вобласці ў асобных раёнах — моцны мокры снег. Днём ападкі паступова спыняцца. Ноччу і раніцай у асобных раёнах чакаецца слабы галалёд, на дарогах галалёдзіца. Тэмпература паветра мінімальная днём плюс 2–9°С, па паўднёвым усходзе Гомельскай вобласці — на пару градусаў цяплей.
У пятніцу, паводле слоў сіноптыка, надвор’е будзе фарміраваць падвышаны фон атмасфернага ціску, будуць праясненні, і ў дзённыя часы парадуе сонца.Гэта будзе найлепшы дзень на тыдні, адзначыў Рабаў. Чакаецца пераважна без ападкаў, тэмпература паветра ноччу 0°С — мінус 5°С, пры праясненнях да мінус 7°С. Днём будзе даволі воблачна, і тэмпература паветра складзе плюс 3–10°С, па поўдні да плюс 12°С.
Як заявіў спецыяліст, у бліжэйшыя выхадныя атмасферныя франты Заходняй Еўропы стануць прычынай пагаршэння надвор’я. На большай частцы тэрыторыі Беларусі пройдуць ападкі ў выглядзе мокрага снегу і дажджу. Ноччу і раніцай у асобных раёнах слабы галалёд, на дарогах галалёдзіца. Тэмпература паветра ў суботу мінімальная ноччу мінус 4°С — плюс 3°С, максімальная днём плюс 3–10°С, па паўднёвым усходзе да плюс 13°С. У нядзелю чакаецца паўночны вецер і тэмпература паветра ноччу панізіцца да 0°С — мінус 7°С. Днём чакаецца 0°С — плюс 9°С.
«Такі тэмпературны фон на 1–3°С халаднейшы за звычайны для гэтых чыслаў красавіка», — сказаў Рабаў. Так холадна ў Беларусі бывае адзін раз на 8 гадоў.
Як паведаміў сіноптык, на бліжэйшыя суткі ва ўсіх абласных цэнтрах Беларусі аб’яўлена штармавое папярэджанне: ноччу і раніцай на дарогах чакаецца галалёдзіца.
