У Мінску з’явяцца французскія гатэлі «Новатэль» і «Меркюр» 3
Іх пабудуе «Лада-ОМС-Інжынірынг» экс-дэпутата Аляксея Ваганава.
Кампанія «Лада ОМС-Інжынірынг» падпісала дамову з французскім гасцінічным аператарам Accor аб будаўніцтве ў Мінску двух гатэляў. У сетку ўвойдуць «Наватэль» (на 180 нумароў), які будзе знаходзіцца ў Верхнім горадзе на вуліцы Зыбіцкай (былая Гандлёвая), і «Меркюр» (на 176 нумароў) на вуліцы Маякоўскага. Інвестыцыі складаюць 50 і 20 мільёнаў даляраў адпаведна. Абодва гатэлі будуць чатырохзоркавымі. Будаўніцтва пачнецца ў чэрвені.
Будаўнічая кампанія «Лада ОМС-Інжынірынг» належыць экс-дэпутату Аляксею Ваганаву. Сярод яго іншых актываў — Восьмы канал і дылер аўтамабіляў «Нісан» «Юніён Мотарс».