Аргкамітэт Чарнобыльскага шляху ўзначаліў Юрый Хадыка 3

Сёння ў штаб-кватэры Партыі БНФ быў створаны аргкамітэт Чарнобыльскага шляху-2012, паведаміла прэс-служба Партыі БНФ.

У аргкамітэт увайшлі прадстаўнікі Партыі БНФ, Руху «За Свабоду», Беларускага Руху, АГП, «Гавары праўду», Маладога Фронту, партыі «Справядлівы Свет», Еўрапейскай Беларусі, грамадскага аб’яднання «Экадом». З агульнай згоды старшынём аргкамітэта быў абраны Юры Хадыка.

Папярэдне ўзгоднены фармат заяўкі, якую арганізатары на пачатку наступнага тыдня накіруюць у Мінскі гарвыканкам, а таксама склад патэнцыйных заяўнікаў. Гатоўнасць падпісаць заяўку выказалі: Юрый Хадыка, Аляксей Янукевіч, Дзяніс Садоўскі, Наста Палажанка і Таццяна Новікава.

Радыё Свабода

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ