Камітэт дзяржаўнай бяспекі выявіў разгалінаваную сістэму крадзяжу мінеральных угнаенняў з наступным вывазам у краіны Еўрасаюза і іншыя дзяржавы, паведамілі ў Цэнтры інфармацыі і грамадскіх сувязей КДБ Беларусі.

У пункце пропуску «Каменны Лог» пры спробе выезду ў Літву па падробленых дакументах

затрыманая 6 красавіка калона вялікагрузнага аўтатранспарту, у якім знаходзілася больш за 200 тон калійных угнаенняў.

Па дадзеным факце заведзена крымінальная справа па ч.1. арт. 14 і ч.3 арт.228 КК (Замах на кантрабанду), затрыманыя арганізатары злачыннай схемы, а таксама актыўныя ўдзельнікі супрацьпраўнай дзейнасці, у тым ліку двое грамадзян Літвы.

Усе падазраваныя змешчаныя ў СІЗА КДБ.

У выніку правядзення следчых і аператыўна-вышуковых мерапрыемстваў устаноўлена, што калійныя ўгнаенні выкрадаліся па загадзя распрацаванай схеме пры ўдзеле асобных службовых асоб.

У прыватнасці, афармляліся для атрымання гаспадаркамі беларускага аграпрамысловага комплексу і пасля вывозіліся на велікагрузным аўтатранспарце ў розныя раёны краіны. Для вывазу за межы Беларусі калійныя ўгнаенні афармляліся па падробленых дакументах як груз, які належыць «Уралкалій», затым у краінах ЕС рэалізоўваліся па кошце ад $ 400 да $ 500 за тону.

У склад злачыннай групы ўваходзілі жыхары Віцебскай, Мінскай, Магілёўскай, Брэсцкай абласцей, а таксама грамадзяне Расіі і Літвы.

Пры ажыццяўленні супрацьпраўнай дзейнасці імі выконваліся строгія меры засцярогі і канспірацыі.

У ходзе правядзення следчых дзеянняў на памяшканні, у якіх складзіравана яшчэ каля 3 тыс. т угнаенняў, накладзены арышт.

У розных рэгіёнах рэспублікі ў ходзе ператрусаў канфіскаваныя дакументы, якія сведчаць аб намеры затрыманых маштабнага вывазу мінеральных угнаенняў з тэрыторыі Беларусі.

Камітэтам працягваецца правядзенне аператыўна-вышуковых мерапрыемстваў па выяўленні іншых удзельнікаў арганізаванай злачыннай групы і прыцягненню іх да ўстаноўленай законам адказнасці.

Для поўнага і аб’ектыўнага расследавання крымінальнай справы камітэтам арганізавана ўзаемадзеянне з праваахоўнымі органамі і спецслужбамі зацікаўленых дзяржаў.

Хочаш падзяліцца важнай інфармацыяй ананімна і канфідэнцыйна?