З той прычыны, што поле бабруйскага стадыёна «Спартак» не гатова да сезону, першыя туры «Белшына» (каманда, між іншым, эліты беларускага футбола) праводзіць у Жлобіне на стадыёне «Лакаматыў».

Да штучнага поля прэтэнзій няма — яно адно з лепшых у Беларусі. А вось інфраструктура пакідае жадаць лепшага. Па звестках відавочцаў, распранальні для футбалістаў настолькі малыя, што каманда ў поўным складзе ў іх не змяшчаецца. Прэс-цэнтр знаходзіцца праз дарогу ад стадыёна ў актавай зале звычайнай школы.

А вось так выглядаюць прыбіральні для заўзятараў. Цікава, што бегалі ў іх і суддзі з футбалістамі, бо ў падтрыбунных памяшканнях усяго адзін санвузел.

Відэа праграмы «Час футбола».

Хочаш падзяліцца важнай інфармацыяй ананімна і канфідэнцыйна?