Аляксандр Лукашэнка мяркуе, што каталіцкая Царква павінна займаць больш актыўную пазіцыю ў наладжванні стасункаў паміж Беларуссю і Захадам.
«Вядома, скажу шчыра, мы разлічвалі на большае ў супрацоўніцтве з каталіцкай Царквой. Лічым, што каталіцкая Царква відавочна не дапрацоўвае ў наладжванні стасункаў паміж Беларуссю і Заходняй Еўропай.
Я нават не кажу ў цэлым аб ЕC, бо вядома, хто там грае першую скрыпку»,— заявіў А.Лукашэнка, сустракаючыся ў панядзелак у Мінску з паслом Суверэннага Мальтыйскага Ордэна Паўлем Фрыдрыхам фон Фурхерам.
Таму, адзначыў А.Лукашэнка, «нам вельмі хацелася праз вас данесці гэты сігнал». «У вас (у Мальтыйскім Ордэне), добры ўплыў у Святым Прастоле, у вас там шмат уплывовых людзей, якія павінны, у рэшце рэшт, паглядзець, што адбываецца ў адносінах з краінай,
дзе другая па велічыні на постсавецкай прасторы канфесія — каталікі, што тут жывуць добрыя людзі, якія хочуць жыць у дружбе»,— сказаў ён.
«Мы на гэта вельмі спадзяемся, нягледзячы на тое, што вы будзеце працаваць у іншай краіне», — адзначыў А.Лукашэнка, гутарачы з паслом Ордэна, які завяршае сваю місію ў Беларусі.
Лукашэнка заявіў, што П.Ф. фон Фурхер пакінуў у Беларусі «прыемны, значны след сваёй дзейнасці».
«У адрозненне ад сваіх калегаў — заходніх паслоў, вы той чалавек, які імкнуўся ўсяляк дапамагчы Беларусі», — сказаў А.Лукашэнка.«Атрымлівалася — не атрымлівалася, вы заўсёды ўнікалі ў праблему і рабілі ўсё на карысць беларускага народа.
Ваша місія была накіравана толькі на ўмацаванне дружбы паміж Беларуссю і вашым Ордэнам «, — падкрэсліў А.Лукашэнка.
У прыватнасці, Лукашэнка падзякаваў паслу за прасоўванне ў Беларусі чарнобыльскіх праграм, дапамогу беларускім дзецям, народу краіны. «Гэта не забываецца», — заявіў А.Лукашэнка.
«Так і палітычных пытанняў не было, каб вы не заглыбляліся ў іх. Калі вы бачылі, што можаце дапамагчы, вы гэта рабілі. Гэта дарагога варта», — адзначыў Лукашэнка.
«Мы б хацелі, каб усе заходнія паслы працавалі ў гэтым ключы, наладжваючы добрыя адносіны. Бо дабрыня і адгукаецца дабрынёй», — заявіў ён.
У сваю чаргу пасол Суверэннага Мальтыйскага Ордэна адзначыў, што «Ордэн ў рамках сваіх магчымасцяў стараўся тут дапамагчы і ўплываць паміж Беларуссю і заходнім светам». «Кропка гледжання нашага ўрада складаецца ў тым, што дыялог, размова заўсёды дапамагаюць вырашаць праблемы, трэба размаўляць адзін з адным», — сказаў П.Ф. фон Фурхер.
Ён выказаў упэўненасць у тым, што «Мальтыйскі Ордэн зможа згуляць пазітыўную ролю ў адносінах паміж вашай краінай і Еўропай».
