11 красавіка можа чарговы раз падаражаць бензін 13

11 красавіка магчыма другое сёлета падаражанне аўтамабільнага паліва ў сярэднім на 5%.

Першае ў гэтым годзе падаражанне аўтамабільнага паліва адбылося 14 сакавіка. Цэны павялічыліся ў сярэднім на 5% і склалі: бензін Нармаль-80 — 5,400 рублёў за літр (300, або 5,6%), Аі-92 — 6.000 (300, або 5,3%), Аі-95 — 6,450 (350, або 5,7%), дызпаліва — 6,600 (300, або 4,8%).

Перагляд цэн «Белнафтахім» растлумачыў «ростам каціровак кошту нафты ў сакавіку 2012 года ў параўнанні са снежнем 2011 года на 17%», а таксама неабходнасцю «паэтапнага збліжэння цэн на тавары ў краінах Мытнага саюза і павышэння эфектыўнасці работы беларускіх нафтаперапрацоўчых заводаў.

У 2011 годзе кошт паліва павышаўся 11 разоў:

3 сакавіка (у сярэднім на 5%), 31 сакавіка (на 10%), 24 мая (на 20%), 7 чэрвеня (на 30%), 21 ліпеня (на 3%), 20 жніўня (на 3%), 14 верасня (на 3%), 1 кастрычніка (на 5%), 16 кастрычніка (бензін — на 3%, дызпаліва — на 5%), 10 лістапада (бензін — на 3,5%, дызпаліва — на 7%) і 3 снежня (на 10%). 9 чэрвеня па патрабаванні Аляксандра Лукашэнкі, якое прагучала на наступны дзень пасля масавай акцыі мінскіх аўтамабілістаў «Стоп-бензін», цэны былі зніжаны на 13–22%.

За 2011 год Нармаль-80 падаражэў у 2,4 разу, Аі-92 — у 1,99 разу, Аі-95 — у 1,88 разу, дызельнае паліва — у 2,44 разу.

Андрэй Кажамякін, БелаПАН

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ