Сям'я Вячоркаў на развітанні з Арынай - фотафакт 26

Ружана, Радаслава, Вінцук і Франак развітваюцца з мамай і спадарожніцай жыцця.

Ружана, Радаслава і Франак Вячоркі рана страцілі маму.

Арыне было адмерана 50 гадоў.

Арына Вячорка будзе спачываць на могілках у Міханавічах пад Менскам. Пахаванне адбылося 12 красавіка.

Арына памерла 9 красавіка ў Вільні. 5 красавіка ў віленскім аэрапорце Вільні ў яе здарыўся інсульт. Ад таго часу яна заставалася ў коме.

Арына Вячорка — педагог, ініцыятарка адраджэння рыцарскага руху і гістарычнай музыкі Беларусі, была па адукацыі матэматыкам. Яна была сузаснавальніцай першых напаўпадпольных незалежніцкіх суполак «Беларуская спеўна-драматычная майстроўня» (1980–1985) і «Талака» (1986–1988). Яна вынесла на сваіх нервах усе рызыкі гэтага змагання, якое працягвалася і ў 90-х і 2000-х. Яна паставіла на ногі траіх дзяцей. Двое старэйшых ужо вывучыліся, а вось найменшая, Ружана, яшчэ ходзіць у беларускамоўную гімназію.

СГ; фота радыё «Свабода»

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ