«Сёлета жорсткае дзяржрэгуляванне цэн захаваецца», — мяркуе Снапкоў.
Міністр эканомікі Беларусі Мікалай Снапкоў заявіў, што ў 2012 годзе не варта чакаць паслаблення дзяржрэгулявання цэн.
«Сёлета — не», — сказаў М. Снапкоў, каментуючы магчымасць лібералізацыі цэнаўтварэння, кантроль з боку дзяржавы над якім быў істотна ўзмоцнены ў канцы крызіснага 2011 года пасля перыяду лібералізацыі ў пачатку мінулага года ў рамках дырэктывы прэзідэнта № 4.
У ходзе «прамой лініі» ў газеце «Рэспубліка» М.Снапкоў канстатаваў, што «ў 2011 годзе па рэгуляванні таварных груп мы фактычна вярнуліся на ўзровень 2010 года, натуральна, мы трошкі змянілі эканамічныя механізмы рэгулявання на больш прагрэсіўныя».
«У 2012 годзе гэта (жорсткае дзяржрэгуляванне цэн) захаваецца», — падкрэсліў міністр.
Паводле яго слоў, адчувальную лібералізацыю цэнаўтварэння плануецца правесці ў 2013 годзе. «Але 2013 і 2014 гады, хутчэй за ўсё 2013 год, безумоўна, будзе спалучаны з тым, што мы вернемся да гэтай тэмы, як з пункту гледжання эканамічнай неабходнасці, так і з пункту гледжання тых абавязацельстваў, якія ў нас ёсць у рамках падпісаных абавязацельстваў па фарміраванні Адзінай эканамічнай прасторы», — сказаў М. Снапкоў.
Каментуючы мэтазгоднасць захавання маштабнага дзяржрэгулявання цэн у гэтым годзе, ён адзначыў, што «ўсё залежыць ад бягучай эканамічнай сітуацыі». «Інфляцыя — гэта самае страшнае зло, з якім найбольш складана змагацца. Міністэрства эканомікі лічыць, ды і ўвесь свет, уласна, што тут усе сродкі добрыя, у тым ліку і адміністрацыйныя. У сусветнай практыцы, дарэчы, яны таксама прымяняюцца», — мяркуе міністр.
Як паведамлялася, урад і Нацбанк Беларусі маюць намер у 2012 годзе дамагчыся зніжэння інфляцыі да 19–22% з 108,7% у 2011 годзе. У першым квартале 2012 года спажывецкія цэны выраслі на 5%.
Цяпер чытаюць
Кіберпартызаны і хакеры Silent Crow узламалі «Аэрафлот». Яны атрымалі даныя пра ўсе пералёты1
Кіберпартызаны і хакеры Silent Crow узламалі «Аэрафлот». Яны атрымалі даныя пра ўсе пералёты
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі39
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце4747
Каментары