У мінскіх парках 14 красавіка адкрыўся сезон працы атракцыёнаў.
Як паведамілі на УП "Гарадскія паркі Мінскзелянбуду",
15 красавіка ў двух цэнтральных парках сталіцы будзе арганізавана святочная канцэртная праграма: у парку імя Максіма Горкага яна пройдзе з 14.00 да 16.00, у парку Чалюскінцаў — з 15.00 да 16.00.
Згодна з раскладам атракцыёны ў гэтых двух парках будуць працаваць па наступным графіку:
панядзелак — з 15.00 до 21.00;
аўторак, серада, чацвер, нядзеля — з 11.00 да 21.00;
пятніца, субота, святочныя і перадсвяточныя дні — з 11.00 да 22.00;
дзіцячыя атракцыёны працуюць з 11.00 да 21.00.
Атракцыёны ў парку культуры і адпачынку імя 50-годддзя Кастрычніка, які размешчаны ў Заводскім раёне паміж вуліцай Даўгабродскай і Партызанскім праспектам, у панядзелак і нядзелю працуюць з 12.00 да 20.00.
Новых атракцыёнаў да адкрыцця сезона-2012 у мінскіх парках не ўстанаўлівалі, аднак не выключана, што да канца года ў парку Чалюскінцаў усё ж з'явяцца два новыя атракцыёны.
Усяго ў чатырох парках, падпарадкаваных "Мінскзелянбуду", — імя Горкага, Чалюскінцаў, імя 50-годдзя Кастрычніка і 900-годдзя Мінска (на Чыжоўскім вадасховішчы), — працуюць каля 40 атракцыёнаў для дзяцей і дарослых.