Перад выходнымі ў сацыяльнай сетцы Facebook кіпелі жарсці. Выкліканыя яны былі чуткамі пра тое, што гурт Litesound падаў у суд на газеты «Народная Воля» і «Комсомольская правда в Беларуси». Год таму выданні працытавалі словы, якія сказаў пра групу генеральны дырэктар фестывалю «Новая хваля». Заходнія поп-зоркі рады, калі пра іх пішуць, а нашы – наадварот, іранізаваў ветэран беларускай музычнай крытыкі Зміцер Падбярэзскі.
Нагадаем,
на прэс-канферэнцыі, прысвечанай гала-канцэрту нацыянальнага адбору на конкурс «Новая хваля», Аляксандр Румянцаў адзначыў, што на канцэрт запрасілі толькі «тых, хто чагосьці варты», і ацаніў гурт Litesound як «тандэту».
Музыкі абразіліся і падалі на Румянцава ў суд.
«Мы лічым, што гэтыя выказванні ганьбяць гонар музыкаў і рэпутацыю гурту, — лічыць прадзюсар Юры Каракін.— Таму патрабуем пакрыць нанесеную шкоду, якую ацэньваем у мільярд рублёў — па 500 мільёнаў на кожнага з пацярпелых».
«Мы запрасілі аўтараў матэрыялаў на паседжанне, — паведаміў Каракін карэспандэнту «НН». — Пры гэтым да газет ніякіх прэтэнзій не маем».
Суд пачнецца ў пятніцу, 20 красавіка.
«НН» будзе сачыць за развіццём падзеяў.
0
0
0
0
0
0