Перамовы па пытанні пераходу на выкарыстанне расійскага рубля на тэрыторыі Беларусі цяпер не вядуцца. Пра гэта гаворыцца ў паведамленні ўпраўлення інфармацыі Нацыянальнага банка Беларусі.
Як адзначаюць у Нацбанку, апошнім часам назіраецца ажыўленне дыскусіі ў грамадстве аб увядзенні расійскага рубля ў якасці адзінага плацежнага сродку ў Беларусі.
«Варта адзначыць, што Беларусь сумесна з Расійскай Федэрацыяй пастаянна прапрацоўвае магчымасці пашырэння выкарыстання расійскага рубля, як і беларускага, ва ўзаемных разліках паміж суб’ектамі гаспадарання дзвюх краін і стварае неабходныя для гэтага перадумовы. Разам з тым мэтазгоднасць стварэння саюзнай валюты для Беларусі ў значнай ступені залежыць ад пэўных дамоўленасцяў і ўмоў рэалізацыі агульнаэканамічнай і
Пазіцыя Нацбанка па гэтым пытанні заключаецца ў тым, што першачарговай задачай цяпер з’яўляецца далейшае ўмацаванне фінансавай стабільнасці ў эканоміцы.
«Пры гэтым само па сабе ўвядзенне ў абарот замежнай валюты (расійскі рубель, долар ЗША, еўра)не вырашае пытання ўмацавання макраэканамічнай стабільнасці і забеспячэння знешняй збалансаванасці. Для вырашэння гэтых задач у першую чаргу павінны быць рэалізаваны меры эканамічнай палітыкі, скіраваныя на зніжэнне дысбалансаў і дыспрапорцый у эканоміцы», — адзначаюць у Нацбанку.
У галоўным банку Беларусі таксама падкрэсліваюць, што пераход да выкарыстання замежнай валюты «азначае фактычную адмову ад правядзення незалежнай
«Такія аспекты ў значнай ступені ўскладняюць працэс аднабаковага пераходу да выкарыстання замежнай валюты ў якасці сродку плацяжу на тэрыторыі Рэспублікі Беларусь і сведчаць пра патэнцыяльна высокія расходы, з якімі можа сутыкнуцца эканоміка», — гаворыцца ў паведамленні.
«Стварэнне валютнага саюза і ўвядзенне адзінай валюты павінна быць падпарадкавана інтарэсам абедзвюх дзяржаў, спрыяць іх устойліваму доўгачасоваму эканамічнаму росту і павышэнню дабрабыту грамадзян. У гэтай сувязі лагічным завяршэннем інтэграцыі краін пасля паўнацэннага завяршэння фарміравання зоны свабоднага гандлю, Мытнага саюза і Адзінай эканамічнай прасторы можа стаць увядзенне новай адзінай грашовай адзінкі і стварэнне валютнага саюза нашых краін», — тлумачаць у галоўнай банкаўскай установе Беларусі.