Беларускія ўлады дазволілі «Белтрансгазу», 100% акцый якога валодае расійскі «Газпрам», самастойна ўстанаўліваць цэны на газ для большасці беларускіх прадпрыемстваў і індывідуальных прадпрымальнікаў.
Пастановай Мінэканомікі РБ ад 11 красавіка 2011 года № 31 адмяняюцца дзейсныя гранічныя максімальныя кошты на прыродны газ для юрыдычных асоб і індывідуальных прадпрымальнікаў.
Свабоднае цэнаўтварэнне на газ пачынае дзейнічаць з 18 красавіка 2012 года
Нагадаем, што з 1 студзеня лімітавая максімальная цана на газ была ўстаноўлена ў памеры 2,312 млн. рублёў.
Разам з тым, адміністрацыйнае рэгуляванне цаны захоўваецца пры продажы газу арганізацыям, якія ўваходзяць у склад «Белтопгаза», а таксама буйным і «эксклюзіўным» спажыўцам.
0
0
0
0
0
0
