Беларуская дэлегацыя возьме ўдзел у штогадовым пасяджэнні МВФ і СБ.
«З 18 па 22 красавіка беларуская дэлегацыя пад кіраўніцтвам старшыні праўлення Нацыянальнага банка — кіраўніка ад Беларусі Міжнародным валютным фондам Надзеі Ермаковай, у складзе міністра фінансаў — намесніка кіраўніка ад Беларусі групай Сусветнага банка Андрэя Харкаўца і міністра эканомікі Мікалая Снапкова прыме ўдзел у штогадовым вясновым пасяджэнні саветаў кіраўнікоў МВФ і Сусветнага банка ў Вашынгтоне», — адзначылі ў прэс-службе ўрада.
У прэс-службе дадалі, што «ў рамках візіту беларускай дэлегацыі запланаваныя двухбаковыя кансультацыі з вышэйшым кіраўніцтвам МВФ і Сусветнага банка, а таксама з кіраўнікамі вядучых дэпартаментаў МВФ: дэпартамента па бюджэтна-падатковых пытаннях, дэпартамента манетарнай палітыкі і рынкаў капіталу і Еўрапейскага дэпартамента — ключавога падраздзялення, якое вызначае асноўныя напрамкі ўзаемадзеяння Фонду з Беларуссю.
«Падчас мерапрыемстваў плануецца правесці двухбаковыя сустрэчы з прадстаўнікамі дзяржаў — партнёраў Беларусі па пытаннях двухбаковага супрацоўніцтва», — паведамілі ў прэс-службе.
