18.04.2012 / 13:30

Патрыманым аўто могуць закрыць уезд на тэрыторыю Беларусі 5

Памер утылізацыйнага збору, які ўрад РФ прапануе ўвесці ў якасці кампенсацыйнага механізма аўтапраму ва ўмовах рынку СГА, будзе такі, што не дасць магчымасці патрыманым аўтамабілям апынуцца на тэрыторыі Мытнага саюза.
Аб гэтым заявіў першы віцэ-прэм’ер РФ Ігар Шувалаў.

«Па сутнасці, гэта будзе такі памер утылізацыйнага збору, які не дасць магчымасці патрыманым аўтамабілям зноў у вялікай колькасці паступаць на адзіную мытную тэрыторыю», — сказаў Ігар Шувалаў журналістам.

Ён нагадаў, што на працягу фінансавага эканамічнага крызісу была ўведзена павышаная імпартная пошліна на аўтамабілі, якая, згодна з дамоўленасцямі аб уступленні Расіі ў СГА, будзе зноў зніжана.

«Але, тым не менш, мы павінны зрабіць усё для таго, каб хлам наш агульны рынак не захламіў», — сказаў Ігар Шувалаў.

Паводле яго слоў, памер і механізм спагнання ўтылізацыйнага збору будзе ўведзены да таго моманту, як Расія ратыфікуе пратакол аб уступленні ў СГА.

Ён дадаў, што Мінпрамгандаль падрыхтаваў папраўкі ў заканадаўства па гэтым пытанні.

0
roor / Адказаць
18.04.2012 / 13:35
Толькі так! Захламім Расею расейскім, патрыятычным хламам!
0
hk / Адказаць
18.04.2012 / 14:03
Ыггыгы))) а прадукцыя аўтавазу дык ня хлам... А беларусам, як заўсёды найбольш выгады з гэтага саюзу. А можа так яно і трэба?))
0
Рамуальд са Смургоняў / Адказаць
18.04.2012 / 15:55
... Да уж... Расія паказвае свай сапраўны твар - і, я так думаю, Пуцін ачаліў гэта - не пушчу інамаркі на родную зямлю!!!! Толькі Айчынныя!!! Смех пра аўтахлам у 3-4 гадовых інамарках!!! Няма слоў...
Паказаць усе каментары/ 5 /
Каб пакінуць каментар, калі ласка, актывуйце JavaScript у наладах свайго браўзеру