18.04.2012 / 15:33

Белстат: Адна з прычын нізкай нараджальнасці — высокая занятасць сярод беларускіх жанчын 5

Адной з прычын нізкага ўзроўню нараджальнасці ў Беларусі можна назваць высокі ўзровень адукацыі, кваліфікацыі і занятасці сучасных жанчын, заявіла 18 красавіка на прэс-канферэнцыі ў Мінску намеснік старшыні Нацыянальнага статыстычнага камітэта Алена Кухарэвіч.

Яна адзначыла, што сярод насельніцтва, якое мае вышэйшы ўзровень адукацыі, 57% складаюць жанчыны, а сярод спецыялістаў вышэйшай кваліфікацыі іх 69%.

Нягледзячы на тое, што агульны каэфіцыент нараджальнасці ў краіне павялічыўся на адну дзясятую (у лідарах Брэсцкая вобласць, на апошнім месцы — Віцебская), гэтага ўсё роўна недастаткова для простага ўзнаўлення насельніцтва.

«Рост нараджальнасці абумоўлены вялікай колькасцю жанчын ў дзетародным узросце і колькасцю паўторных нараджэнняў. У 2011 годзе палова з усіх народжаных у Беларусі дзяцей сталі другімі або трэцімі ў сям’і. Сярод рэгіёнаў краіны па нараджэнні трэцяга і чацвёртага дзіцяці лідзіруе Брэсцкая вобласць, другое дзіця часцей за ўсё нараджаецца ў Мінску», — паведаміла Кухарэвіч.

Паводле яе слоў, за апошнія 11 гадоў у краіне значна паменшылася колькасць абортаў. «Калі ў 2000 годзе на тысячу жанчын ва ўзросце 15–49 гадоў прыпадала 46,2 выпадку, то цяпер — 13,2», — сказала Кухарэвіч.

0
Дзед Лукаш / Адказаць
18.04.2012 / 16:09
Калі "У лік безрэцэптурных не ўвайшлі гарманальныя кантрацэптывы", як паведаміла начальнік аддзела дапамогі маці і дзецям Міністэрства аховы здароўя Алена Богдан, то колькасць абортаў значна павялічыцца.
0
Цынічка / Адказаць
18.04.2012 / 18:25
згодная з дзедам Лукашом. Вось я напрыклад. калі рэцэпт раптам не дадуць (а могуць і ня даць, ды і калі цягацца па нашых паліклініках з іх вечнымі чэргамі, працуючы амаль паўсутак?), а ўжываю я менавіта таблеткі, бо астятняе фуфел, то што давядзеец рабіць пры "залеце"? Толькі аборт. Бо дзіцё (асабіста ў сваім выпадку) заводзіць зараз лічу верхам безадказнасьці і інфантылізму. І што, гадаваць у галечы нежаданае дзіця? паўтараю: гэта я асабіста наконт сябе! а то зараз пачнуць чапляцца з сваімі сямейнымі каштоўнасьцямі І што, шкада было дзяржаве тыя таблеткі без рацэптаў прадаваць? вось зто дзетазабойцы сапраўдныя. Жабы
0
месьцiч / Адказаць
18.04.2012 / 21:17
2Цынічка Не проста жабы ) ЖАБЫ-РАПУХI))
Паказаць усе каментары/ 5 /
Каб пакінуць каментар, калі ласка, актывуйце JavaScript у наладах свайго браўзеру