Лівійскі генерал падаў у суд на экс-кіраўніка МЗС Вялікабрытаніі
Кіраўнік ваеннай рады Трыпалі Абдэльхакім Бельхадж падаў судовую позву супраць былога міністра замежных справаў Вялікабрытаніі Джэка Стро.
Лівійскі генерал абвінавачвае экс-кіраўніка МЗС у спрыянні катаванням і незаконнай экстрадыцыі.
Гаворка ідзе пра 2004 год, калі Бельхадж пражываў у выгнанні і збіраўся прасіць прытулку ў Вялікабрытаніі.
Ён узначальваў апазіцыйную рэжыму Муамара Кадафі групоўку, якую брытанская разведка падазравала ў сувязях з «Аль-Каідай». Бельхадж сцвярджае, што ў Бангкоку яго з жонкай затрымалі агенты ЦРУ. Падчас экстрадыцыі ў Лівію іх катавалі.