Аляксандр Лукашэнка павіншаваў Папу Бенедыкта XVI з сёмай гадавінай пачатку Пантыфіката.
«Ваша плённая дзейнасць, накіраваная на распаўсюджванне ідэалаў хрысціянства, умацаванне агульначалавечых прынцыпаў справядлівасці, дабра і міласэрнасці ва ўсім свеце, з’яўляецца найлепшым прыкладам самаадданага служэння людзям», — гаворыцца ў віншаванні.
Аляксандр Лукашэнка падзякаваў Папу за асабістую ўвагу да развіцця ўзаемадзеяння з Беларуссю і добрыя адносіны да суверэннай беларускай дзяржавы.
Ён выказаў надзею на далейшае пашырэнне супрацоўніцтва паміж Беларуссю і Святым Прастолам і пажадаў Папу Рымскаму здароўя і поспехаў у выкананні адказнай апостальскай місіі.
0
0
0
0
0
0
