19.04.2012 / 18:39

Медыкі раяць беларусам прышчэплівацца ад адзёру перад паездкай на Еўра-2012 і Алімпіяду 8

Прышчэпка дзейнічае на працягу 20 гадоў.

Медыкі рэкамендуюць беларусам прышчапіцца ад адзёру перад паездкамі на чэмпіянат Еўропы па футболе, які пройдзе ва Украіне і Польшчы, або летнія Алімпійскія гульні ў Лондане. Пра гэта заявіла загадчыца аддзялення імунапрафілактыкі Рэспубліканскага цэнтра гігіены, эпідэміялогіі і грамадскага здароўя Вераніка Шымановіч.

Паводле яе слоў, вакцына супраць гэтай інфекцыі ў хуткім часе паступіць у медыцынскія ўстановы Беларусі.

Спецыяліст растлумачыла неабходнасць прышчэпак тым, што

ў еўрапейскім рэгіёне ў апошнія гады рэгіструецца ўздым захворвання на адзёр. Асабліва неспрыяльная сітуацыя склалася ва Украіне.
Некалькі гадоў таму там пасля вакцынацыі ад адзёру памёр падлетак. Хоць і было даказана, што смерць не звязана з вакцынацыяй, насельніцтва масава стала адмаўляцца ад правядзення прафілактычных прышчэпак. Як вынік, сёлета ва Украіне зарэгістравана больш за 7 тыс. выпадкаў адзёру, быў адзін смяротны выпадак.

Як зазначыла Шымановіч, у Беларусі сёлета рэгістраваліся толькі адзінкавыя завазныя выпадкі адзёру, аднак Міністэрства аховы здароўя прыняло рашэнне дадаткова вакцынаваць супраць адзёру моладзь 20—29 гадоў. Па выніках імуналагічных даследаванняў, у гэтай узроставай групы найбольш слабы імунітэт супраць захворвання.

Намеснік начальніка аддзела гігіены, эпідэміялогіі і прафілактыкі Міністэрства аховы здароўя Іна Карабан зазначыла, што калі б у Беларусі спынілася вакцынацыя супраць адзёру, то праз пару гадоў штогод фіксавалася б 40—60 тыс. выпадкаў хваробы, з іх 40—60 — са смяротным канцом.

Карабан нагадала, што ўсе ахвотныя могуць атрымаць прышчэпку ад адзёру на платнай аснове. Можна прышчэплівацца не толькі вакцынай супраць адзёру, але і вакцынай, якая ўтрымлівае тры кампаненты — адзёр, паратыт, краснуха.

Прышчэпка дзейнічае на працягу 20 гадоў.

0
А что такое АДЗЁР? / Адказаць
19.04.2012 / 19:19
А что такое АДЗЁР? Спасибо. Рэд. Адзёр = Measles, also known as morbilli, is an infection of the respiratory system caused by a virus, specifically a paramyxovirus of the genus Morbillivirus. Morbilliviruses, like other paramyxoviruses, are enveloped, single-stranded, negative-sense RNA viruses. Symptoms include fever, cough, runny nose, red eyes and a generalized, maculopapular, erythematous rash.
0
J / Адказаць
19.04.2012 / 20:06
А что такое АДЗЁР? напiсаў(ла) Красавiк 19, 2012 у 19:19 А что такое АДЗЁР? Спасибо. ------------------------- Раптам чалавек па-ангельску не разумее ) Адзёр -- корь. Рэд., Вас жа па-расейску спыталі, а Вы ў адказ па-ангельску, ня ветліва.
0
2J / Адказаць
19.04.2012 / 20:28
Для тых асабліва разумных, каторыя чытаюць беларускую ґазэту, не разумеючы беларускай мовы, ёсьць адмысловы рэсурс http://translate.google.com/
Паказаць усе каментары/ 8 /
Каб пакінуць каментар, калі ласка, актывуйце JavaScript у наладах свайго браўзеру