19.04.2012 / 23:00

21 красавіка: беларускі інтэрнэт-суботнік у Вікіпэдыі 4

Сайт «Беларусы ў Вялікай Брытаніі» і Беларуская каталіцкая місія ў Англіі запрашаюць усіх ахвотных на Суботнік для Беларусі

Сайт «Беларусы ў Вялікай Брытаніі» і Беларуская каталіцкая місія ў Англіі запрашаюць усіх ахвотных на Суботнік для Беларусі. Гэта будзе добрай нагодай сабрацца беларусам і нашым сябрам дзеля стваральнай працы на карысьць роднай культуры.

Тэма дня — Беларусь у Вікіпэдыі.

Вікіпэдыя цяпер — асноўная крыніца першапачатковых ведаў для вельмі многіх людзей у сьвеце. Беларуская прысутнасьць там параўнальна малая і часта — вельмі тэндэнцыйная. Каб крыху выправіць сытуацыю, мы будзем напаўняць Вікіпэдыю зьвесткамі пра Беларусь і беларускай мовай.

Пачатак, а 10-й раніцы па Лёндане (12:00 па Менску) у Marian House (Holden Avenue, N12 8HS; Woodside Park Underground Station). Першай справай мы навучымся рэдагаваць Вікіпэдыю. Потым будзе час кожнаму вырашыць, пра што пісаць. Гэта могуць быць гістарычныя асобы, помнікі архітэктуры, стравы, паняткі з самых росных галінаў ведаў… Для гэтага побач — Скарынаўская бібліятэка з найвялікшым па-за межамі краіны зборам беларусістыкі.

Галоўная ўмова дня: пісаць па-беларуску (тарашкевіцай ці школьным правапісам) на любую тэму ці на любой іншай мове — пра Беларусь.

Пасьля абеду мы працягнем рэдагаваць Вікіпэдыю: кожны самостойна ці разам з іншымі — каму як прасьцей і цікавей. Недзе каля 16-й гадзіны мы падвядзем вынікі і разыйдземся.

Не спазьняйцеся —

першую гадзіну мы аддамо правілам Вікіпэдыі, іх трэба ведаць.
Вазьмеце з сабой ноўтбук ці tablet device, wi-fi будзе. Прынясеце таксама чаго-небудзь на абед, для супольнага стала. Каву й гарбату зробяць арганізатары.

Калі жадаеце далучыцца да суботніка, напішыце арганізатарам — subotnik@belarusians.co.uk або тут ў камэнтарах на сайце.

Калі ня можаце далучыцца да нас у Лёндане, зрабіце эта праз Скайп! Падрабязнасьці апублікуем пазьней на belarusians.co.uk і ў Фэйсбуку.

Падзея на Facebook: https://www.facebook.com/events/253300591416964/

Пытаньні і Адказы пра Суботнік: http://belarusians.co.uk/tag/суботнік/

0
STATiK / Адказаць
19.04.2012 / 23:13
Дарэмна арганізатары успомнілі тут "суботнік"... Асабіста ў мяне - толькі негатыў на гэтае слова, трэ' было так як назваць...
0
Hugh Beale / Адказаць
20.04.2012 / 00:50
Я бы пошёл, если бы там по русски говорили.
0
Диджитал Ленин / Адказаць
20.04.2012 / 07:51
Ленинский субботник?
Паказаць усе каментары/ 4 /
Каб пакінуць каментар, калі ласка, актывуйце JavaScript у наладах свайго браўзеру