27 і 28 красавіка выехаць з Беларусі цераз брэсцкі пункт пропуску «Варшаўскі мост» на асабістым транспарце будзе праблематычна.
Як паведаміў прэс-сакратар Дзяржаўнага пагранічнага камітэта Аляксандр Цішчанка, на гэтыя дні паступілі заяўкі ад беларускіх і расійскіх турыстычных фірм на выезд больш як 100 аўтобусаў. У адпаведнасці з міжнароднымі дамоўленасцямі, яны павінны афармляцца на мяжы ў першую чаргу. Найбольш перагружаны пункт пропуску будзе з вечара 27 красавіка да 14.00–15.00 28 красавіка.
У сувязі з гэтым памежнікі рэкамендуюць аўтаўладальнікам скарыстацца для выезду ў Польшчу пунктамі пропуску «Пясчатка» і «Дамачава».
Вячаслаў Будкевіч, БелаПАН
Хочаш падзяліцца важнай інфармацыяй ананімна і канфідэнцыйна?
Пішыце рэдактару «Нашай Нівы» ў ТГ
