22.04.2012 / 13:13

Лукашэнка: У мяне авечкі, і мы іх ужо два разы стрыглі 34

«Каб мае людзі, мае рабочыя, мой народ мелі магчымасць працаваць».

«Я нічога не баюся. Мне баяцца няма чаго, я чалавек рашучы, і губляць мне ў прынцыпе няма чаго», — заявіў Лукашэнка 21 красавіка ў Мінску, адказваючы падчас суботніка на пытанне журналістаў, як ён ставіцца да меркавання, што кіраўнік дзяржавы патрабуе ад урада вырашэння пытанняў на праблемных прадпрыемствах, таму што баіцца пратэстаў рабочых.

«Там, дзе ёсць слова „баіцца“, каментаваць няма чаго», — цытуе Лукашэнку дзяржаўнае інфармагенцтва БелТА.

«Калі я чаго і баюся, то толькі меркавання маіх людзей, майго народа. Гэта мае выбаршчыкі, я іх меркаванне цаню і паважаю. Таму калі рабочы чалавек гаворыць, што штосьці не так, я на гэта рэагую.

Як я рэагую, вы ведаеце»,
— сказаў афіцыйны беларускі лідар.

Ён заявіў, што «праблемныя прадпрыемствы» будуць рэфармаваныя. Лукашэнка нагадаў, што нядаўна прыняў рашэнне стварыць у краіне новую галіну — авечкагадоўлю. Так, плануецца пабудаваць новы камвольны камбінат і вырабляць у Беларусі вырабы з воўны.

«Я гэта праэксперыментаваў у сябе на ферме. У мяне дзясятак авечак.
Мы іх ужо два разы стрыглі — вялікая колькасць воўны. Самыя лепшыя авечкі ў свеце, і яны выдатна сябе адчуваюць. Цяпер зробім гэта па ўсёй краіне», — сказаў Лукашэнка.

Ён таксама паведаміў, што плануецца рэфармаваць і мотавелазавод. «Я ніколі ў жыцці не аддам і не страчу гэту марку. Мы зробім самае сучаснае прадпрыемства. Гэта таксама вялікі страх, каб не страціць гэты брэнд і каб мае людзі, мае рабочыя, мой народ мелі магчымасць працаваць, зарабляць і карміць сваіх дзяцей», — заявіў ён

0
румынский вариант / Адказаць
21.04.2012 / 16:55
Видимо всё пойдёт именно по такому варианту. Но это даже хорошо, ибо уже зачистка будет после того капитальная, не "косметический ремонт".
0
Чукча - чытацель / Адказаць
21.04.2012 / 17:06
"Аднекуль зблізку чуўся бой барабана, таямнічага барабана пустыні. Ён быў выразны, то гучнейшы, то слабейшы, ён то спыняўся, то зноў рассыпаўся нейкім фантастычным дробатам..." Гі дэ Мапасан. Страх
0
Uladzimir / Адказаць
21.04.2012 / 17:22
"....сказаў афіцыйны беларускі лідар." Шаноўная рэдакцыя. Вельмі вас прашу: не называйце яго беларускім. Занадта ўжо рэжа слых і не адпавядае рэчаіснасьці. Нават пріназоўнік "афіцыйны" тут не дапаможа.
Паказаць усе каментары/ 34 /
Каб пакінуць каментар, калі ласка, актывуйце JavaScript у наладах свайго браўзеру