22.04.2012 / 16:30

Калякін: Для беларусаў Ленін з’яўляецца вялікім чалавекам 34

Лідар партыі «Справядлівы свет» у нядзелю ўсклаў кветкі да помніка Леніну.

Прыкладна 20 прадстаўнікоў Беларускай партыі левых «Справядлівы свет» сабраліся на плошчы Незалежнасці ў Мінску, каб ускласці кветкі да помніка Уладзіміру Леніну, які нарадзіўся 22 красавіка 1870 года.

На плошчы знаходзіліся супрацоўнікі міліцыі ў цывільным. Ускладанню кветак яны не перашкаджалі, аднак папярэдзілі лідара партыі Сяргея Калякіна аб недапушчальнасці правядзення несанкцыянаваных мерапрыемстваў.

Як заявіў Калякін, святкаванне дня нараджэння Леніна не разыходзіцца з курсам на мадэрнізацыю партыі, які быў абвешчаны на апошнім з’ездзе і звязаны ў тым ліку са зменай назвы (раней — Партыя камуністаў Беларуская).

«Для беларусаў Ульянаў-Ленін з’яўляецца вялікім чалавекам. Калі б яго не было, мы сёння з’яўляліся б губерняй або Паўночна-Заходнім краем Расійскай Федэрацыі», — сказаў ён.

Палітык упэўнены, што «толькі дзякуючы нацыянальнай палітыцы Леніна, якая заключалася ў тым, што ён выступаў супраць аўтаноміі, мы і сталі самастойнай дзяржавай». Апрача таго, Ленін — гэта чалавек, які ў ХХ стагоддзі «ажыццявіў найвялікшую рэвалюцыю, зрынуў сатрапа, ліквідаваў самадзяржаўе». «І сёння гэта актуальна для Беларусі. Мы рухаемся да самадзяржаўя і можам да яго хутка прыйсці. Таму нам трэба вывучаць працы Леніна і ўсё, што было звязана з тым, што ён рабіў у 1917 годзе», — сказаў Калякін.

Раніцай кветкі да помніка Леніну ўсклалі таксама прадстаўнікі іншых левых і камуністычных арганізацый.

Глядзі таксама: Гудбай, Ленін!

0
Вiльня наша! / Адказаць
22.04.2012 / 16:44
Маскоўскія акупанты робяць усё магчымае каб знішчыць гістарычную памяць народа.
0
Кнехт / Адказаць
22.04.2012 / 16:46
Калякін: Для беларусаў Ленін з’яўляецца вялікім чалавекам ================== ЗА ШТО ЛЮБЯЦЬ ІЛЛІЧА "Вялік", таму што на падставе, Каб яго людзі не дасталі. А калі б маглі дастаць - Вам бы яго не спазнаць. "Любяць" людзі Ілліча памацней, чым Кобу: Даў хутчэй ён "стрекоча" Праз сваю хваробу.
0
ы / Адказаць
22.04.2012 / 16:46
Для хворых на душу, вядома.
Паказаць усе каментары/ 34 /
Каб пакінуць каментар, калі ласка, актывуйце JavaScript у наладах свайго браўзеру