22.04.2012 / 20:18

Памерла маці Зянона Пазняка 77

Ганна Пазняк некалькі дзён не дажыла да 90-годдзя.

У некралогу, падпісаным Кансерватыўна-хрысціянскай партыяй БНФ, гаворыцца: «Пасля цяжкой і працяглай хваробы памерла Ганна Яўхімаўна Пазняк. Усяго некалькі дзён яна не дажыла да свайго 90-годдзя. Доўгае жыццё Ганны Яўхімаўны было часткай жыцця нашага народу, з якім яна прайшла праз дзесяцігоддзі народнай драмы ХХ і ХХІ стагоддзяў. Да апошняга дня зямнога існавання яна захавала вернасць роднай мове, любоў да беларускай зямлі і нашай культуры.

У людзей яе пакалення было мала радасцяў, так склаўся наш народны лёс. Таму Ганна Яўхімаўна, як і многія іншыя беларускія жанчыны яе пакалення, высока цаніла і рупліва зберагала тое светлае і святое, што з’яўляецца каштоўнасцямі нашага народу. Вайна забрала ў яе мужа і брата, якія загінулі ў змаганні з фашыстоўскімі варварамі. Нацярпелася яна і за часы маскоўскай акупацыі Беларусі. Са спадзяваннем яна сустрэла аднаўленне Незалежнасці Беларусі ў 1991 годзе, з верай у лепшую беларускую долю.

У змаганні за канчатковае вызваленне нашай Радзімы нам будзе не хапаць мудрых мацерак, такіх, якой была Ганна Яўхімаўна. Божа, прымі яе ў сваім Валадарстве.

Выказваем нашыя шчырыя спачуванні Зянону Станіслававічу Пазняку, сям’і і блізкім Ганны Яўхімаўны.

Грамадзянская паніхіда і развітанне з нябожчыцай адбудуцца 23 красавіка з 9.00 да 11.00 у Зале рытуалаў па адрасе: Мінск, вул. Альшэўскага, 12 (ст. метро „Маладзёжная“)».

0
321-бах / Адказаць
22.04.2012 / 20:28
Шчырыя спачуванні ўсёй сям'і.
0
читатель / Адказаць
22.04.2012 / 20:33
Мои искренние соболезнования Зенону Станиславовичу.
0
yury / Адказаць
22.04.2012 / 20:36
Shchyryja spachyvanni Zianonu Stanislavavichu.
Паказаць усе каментары/ 77 /
Каб пакінуць каментар, калі ласка, актывуйце JavaScript у наладах свайго браўзеру