26.04.2012 / 14:01

Лукашэнка: Яны б нас ціснулі, на калені ставілі, а потым бы закапалі па калена ў зямлю 13

Лукашэнка выказаў гатоўнасць абмяркоўваць з ЕС любыя праблемы, але без папярэдніх умоў.

«Напэўна, зразумелі, што санкцыі — гэта шлях у нікуды, гэта бесперспектыўна. Яны, напэўна, зразумелі, што Беларусь ім патрэбна», — заявіў Лукашэнка журналістам у чацвер у ходзе рабочай паездкі ў Магілёўскую вобласць.

«Вось калі б еўрапейцы разумелі, што санкцыі дзейнічаюць і нас можна нахіліць у той бок, у які яны хочуць, вы думаеце, яны б ад іх адмовіліся? Ніколі.

Яны б нас ціснулі, на калені ставілі, а потым бы яшчэ закапалі па калена у зямлю, а можа быць і глыбей», — сказаў А.Лукашэнка.

Ён выказаў упэўненасць у тым, што на Захадзе разумеюць неабходнасць супрацоўніцтва з Беларуссю, як у эканамічнай сферы, так у сферы бяспекі і процідзеяння нелегальнай міграцыі. У прыватнасці, Лукашэнка нагадаў пра нядаўна прынятае рашэнне «з больш умацаваных заходніх межаў перакінуць частку памежных сіл на паўднёвую мяжу [з Украінай]». Зараз, адзначыў ён, «мы ў асноўным кантралюем тыя пытанні, якія цікавяць Беларусь, больш працуем на ўезд у краіну». «Ужо сумежныя дзяржавы [ЕС] звярнуліся да нас: дапамажыце, вы ж фактычна адкрылі мяжу.

Але ў нас няма грошай. Так, я магу павялічыць колькасць пагранічных, мытных пастоў [на заходнім напрамку], але вы, калі ласка, заплаціце», — заявіў Лукашэнка.
Паводле яго слоў, «гэта таксама сведчыць пра тое, што Беларусь ім важная». «Як толькі мы ледзь-ледзь аслабілі [кантроль на выезд у краіны ЕС], яны там атрымалі цэлую хвалю нелегалаў з Афганістана, Пакістана і Азіі», — адзначыў ён.

Лукашэнка таксама звярнуў увагу на магчымыя вялікія эканамічныя страты краін ЕС у выпадку пашырэння санкцый і адмовы ад супрацоўніцтва з Беларуссю. «Я не кажу пра тыя буйныя страты, якія панясуць парты Прыбалтыкі.

Я не хаваю, мы вядзем перамовы з Расіяй, каб яны панізілі чыгуначныя тарыфы і каб мы загрузілі іх [Расіі] парты на Балтыцы. Яны былі б рады бачыць мільёны тон нашых грузаў «, — сказаў Лукашэнка.

Акрамя таго, працягнуў ён, «з украінцамі мы дамовіліся павялічыць аб’ёмы паставак праз паўднёвыя парты». «Калі мы не патрэбныя ў краінах Еўрасаюза, то мы будзем шукаць сваё шчасце далей», — адзначыў ён.

Пры гэтым Лукашэнка падкрэсліў:

«Калі Еўрапейскі саюз сёння гатовы без папярэдніх умоў, не нахіляючы нас направа, налева, з намі размаўляць, то мы гатовыя ў любы час вярнуцца да любога пытанні за сталом перамоваў».
«Мы — не „ястрабы“, „ястрабінае“ палітыкі ў Беларусі не было і не будзе. Таму мы гатовыя садзіцца і абмяркоўваць любыя праблемы. Але будуць нас ціснуць — мы будзем адказваць», — заявіў ён.

0
Haim / Адказаць
26.04.2012 / 14:09
У Луки в голове весенняя распутица. Послы вернулись, но санкции пока никто не отменял и даже не общеает. Доигралось это белорусское чудо. А позади Москва, может и наклонить
0
ranen / Адказаць
26.04.2012 / 14:56
Очевидно, что лукашенко хочет наладить отношения с ЕС. Но к горю для него, политики в ЕС не могут себе этого позволить, иначе они скатятся в глазах избирателей до уровня диктаторского режима. Я так думаю, что и Россия скоро будет его сторониться. Недаром путин звонил ему, наверно пытался привести в чувства. Все это печально. Утопия лукашенко - вертикаль. Дает ему чувство уверенности и безгрешности в поступках. Поэтому он искренне не понимает, что хотят от него европейцы. Злится и ругается. Было время он пытался имитировать демократию. Но испугался, вертикаль то не дееспособна. А если вдруг все будут указывать на недостатки, где его будет чувство уверенности и безгрешности? Где стабильность?
0
321-бах / Адказаць
26.04.2012 / 14:59
Калі ў галаве блытаецца тое, што хацелася б - з тым, што ёсць, значыць з высокай верагоднасцю, гэта галава з Драздоў.
Паказаць усе каментары/ 13 /
Каб пакінуць каментар, калі ласка, актывуйце JavaScript у наладах свайго браўзеру