Міністр замежных спраў Нідэрландаў Уры Разенталь заявіў, што ні прадстаўнікі ўрада, ні члены каралеўскай сям'і не паедуць ва Украіну на матчы сваёй нацыянальнай зборнай у рамках фінальнай часткі Еўра-2012.
Як паведамляе агенцтва УНІАН са спасылкай на «Польскае радыё», Разенталь падкрэсліў, што спачатку павінна быць вырашаная сітуацыя вакол зняволення былога прэм'ер-міністра Юліі Цімашэнкі, а ўкраінская ўлада павінна гарантаваць захаванне дэмакратычных стандартаў.
«Захаванне правоў чалавека - гэта абавязак ураду Украіны, асабліва як гаспадара Еўра-2012», - сказана ў камюніке МЗС Нідэрландаў.
Раней заяўлялася, што байкатуе Еўра-2012 ва Украіне канцлер Нямеччыны Ангела Меркель.
0
0
0
0
0
0