02.05.2012 / 18:01

Сяргея Каваленку этапавалі з Навінак на Валадарку 4

Магчыма, яго перавядуць потым у Віцебск.

Палітычнага зняволенага Сяргея Каваленку этапіравалі з ахоўнага аддзялення Рэспубліканскага навукова-практычнага цэнтру псіхічнага здароўя ў Навінках. Пра гэта даведалася яго жонка Алена.

Зараз Сяргей Каваленка знаходзіцца ў следчым ізалятары Міністэрства ўнутраных спраў на вуліцы Валадарскага ў Мінску.

Алена Каваленка кажа: «Этапіравалі яго праз СІЗА 1, зараз ён на Валадарцы, а далей куды яго накіруюць – невядома. У абласным судзе не кажуць пра гэта, маяўляў, яны не вырашаюць, куды яго этапіраваць. Можна толькі здагадвацца, што ў бок Віцебска. У калонію яны не маюць права яго накіраваць, яшчэ прысуд не ўступіў у законную сілу. Можа яго накіруюць у наша віцебскае СІЗА».

Па словах Алены Каваленкі, пра вынікі псіхолага-псіхіятрычнай экспертызы, якую яе муж праходзіў у Навінках, пакуль невядома. Ёй паведамілі, што яна пішацца. Але па меркаванню Алены Каваленкі, калі б яго прызналі хворым, то наўрад ці б этапіравалі з Навінак.

"Падчас апошняй нашай сустрэчы ён сказаў, што калі зноўку адчуе на сабе ціск, то ўзнавіць сваю галадоўку. Зараз сядзець у яго стане, з яго падарваным здароўем небяспечна - гэта ўсё можа вельмі дрэнна і хутка скончыцца. Яму так і не далі больш менш выйсці з галадоўкі", – кажа Алена Каваленка.

Хочаш падзяліцца важнай інфармацыяй ананімна і канфідэнцыйна?

0
Белорус / Адказаць
02.05.2012 / 21:22
Х.. вы убъёте белоруса! Свободу Мирону!
0
Ганьба карнаму рэжыму! / Адказаць
02.05.2012 / 22:32
Што, лукашысцікі, не ведаеце, як з сапраўдным патрыётам расправіцца? Перашкаджае ён вам скотны двор тут усталёўваць?
0
Беларус / Адказаць
03.05.2012 / 09:28
Неяк вельмі цікава падыйшлі да вырашэння пытання Сяргея Каваленкі. Па-першае, невядома, хто прымаў гэтае рашэнне. Па-другое, Сяргея Каваленку прызналі псіхічна нармальным, што і патрабавалася даказаць. Па-трэцяе, куды падзеліся вынікі медыцынскіх даследаванняў аб апушчэнні ныркі і дыффузных змяненнях унутраных органаў? Хто гэта ў нас такі разумны - закрыў вочкі і зрабіў выгляд, што ён нічога ня бачыць? Жонцы Сяргея трэба абавязкова запатрабаваць вынікі ўсіх даследаванняў, праведзеных у Навінках яе мужу, у пісьмовым выглядзе. Потым звяртацца,ў НН, а таксама ва ўсе магчымыя "дзяржаўныя" органы, каб паставіць пытанне аб наказанні прымаўшага рашэнне аб этапіраванні і пытанне аб пераводзе Сяргея на падставе гэтых медыцынскіх заключэнняў у тэрапеўтычнае аддзяленне цывільнай бальніцы.
Паказаць усе каментары/ 4 /
Каб пакінуць каментар, калі ласка, актывуйце JavaScript у наладах свайго браўзеру