19.03.2007 / 23:19

Улады паслалі на Бангалор 13

Аляксандар Мілінкевіч: «25 Сакавіка я прыйду на Кастрычніцкую».

Сёньня, 19 сакавіка, заяўнікі акцыі 25 сакавіка сустрэліся з гарадзкімі ўладамі, каб абмеркаваць фармат акцыі на Дзень Волі.

Сустрэча прайшла ў Менскім гарвыканкаме ў прысутнасьці намесьніка старшыні гарвыканкаму Міхаіла Ціцянкова, начальніка менскай міліцыі Анатоля Куляшова і пракурора гораду Мікалая Куліка. Пра падрабязнасьці сустрэчы расказаў Аляксандар Мілінкевіч па тэлефоне карэспандэнту «Нашай Нівы».

Заяўнікам акцыі было абвешчана, што правядзеньне акцыі 25 Сакавіка на Кастрычніцкай плошчы "не магчымае". Быў «прапанаваны» альтэрнатыўны варыянт: збор удзельнікаў ля прэзыдыюму Нацыянальнай акадэміі навук, мірнае шэсьце па ходніках вуліцы Сурганава -- і мітынг на плошчы Бангалор. "У акцыі не павінны ўдзельнічаць больш за тысячу чалавек", - падкрэсьлілі ў гарвыканкаме. Таксама будучым арганізатарам чарговы раз нагадалі пра магчымую адказнасьць за парушэньне правілаў правядзеньня мітынгаў і сходаў.

Аляксандар Мілінкевіч заявіў, што рашэньне гарвыканкаму пра зьмяненьне фармату шэсьця не прымальнае, яно пярэчыць Канстытуцыі. «Мы прапанавалі ўладзе кампраміс і засьведчылі, што самі настроены супраць канфрантацыі. Сваёй адмовай ўлада не ўсьведамляе рэальнай сытуацыі ў краіне».

Сп. Мілінкевіч заявіў, што 25 Сакавіка пойдзе на Кастрычніцкую плошчу.

На сустрэчы прысутнічалі супрацоўнікі тэлевізіі, таму, магчыма, вынікі сустрэчы "пакажуць".

Нагадаем, што меркаваны пачатак акцыі а 12-й. Таксама зазначым, што ў ноч з 24 на 25 сакавіка на тэрыторыі Беларусі ўводзіцца летні час, і гадзіньнікі будуць пераведзеныя на гадзіну наперад.

СП

0
omu / Адказаць
19.03.2007 / 17:36
Зьзiвiлi! У правiнцыi даўно ўсё забаронена, i нiхто не скардзiцца, не пытаецца: а на якой гэта падставе бюракратыя ўвогуле забараняе святочнае патрыятычнае шэсьце, не гаворачы пра звычайныя мiтынгi? Да i не ведаюць нават пра гэтыя мерапрыемствы. Прыемней першамай успамiнаць i кастрычнiцкiя дэманстрацыi.
0
Юрась Бусел / Адказаць
19.03.2007 / 17:53
"было абвешчана, што правядзеньне акцыі 25 сакавіка на Кастрычніцкай плошчы "не магчымае" Што, цікава, значыць фармулёўка "немагчымае"?.. Ня ведаю, як чыноўнікам выканкаму, але нам падаецца цалкам МАГЧЫМЫМ адсьвяткаваць Дзень Волі (а разам зь йім і Дзень нацыянальнага адзінства з усімі жадаючымі яднацца на дэмакратычных прынцыпах) на Пляцы Каліноўскага ("Кастрычніцкай Плошчы"). На Бангалёр мы заўсёды пасьпеем. Мы вартыя лепшага. Для тых, хто вагаецца з нейкіх незразумелых прычынаў: прыходзьце на Пляц, каб проста разам, супольна, па-беларуску адзначыць 89-я ўгодкі гістарычнае дзяржавы, якая дала пачатак сучаснай беларускай дзяржаўнасьці - Беларускае Народнае Рэспублікі. Пакажам, што нас шмат. У кожнага будуць свае асабістыя прычыны быць на Пляцы 25-га: палітыка, гісторыя, памяць, настальгія... Але ўсіх нас яднае адно: МЫ ЛЮБІМ БЕЛАРУСЬ! Таму, шаноўнае спадарства, ня трэба паддавацца на правакацыі ўладаў: КРОЧЫМ НА ПЛЯЦ КАЛІНОЎСКАГА 25 САКАВІКА А 12 ГАДЗІНЕ! P.S. І не забудзьцеся перавесьці гадзіньнікі на гадзіну наперад (для тых, хто "ў танку" наперад - гэта зьлева направа). Жыве Беларусь!
0
ВК / Адказаць
19.03.2007 / 18:02
Іншага не варта было
Паказаць усе каментары/ 13 /
Каб пакінуць каментар, калі ласка, актывуйце JavaScript у наладах свайго браўзеру