05.05.2012 / 14:13

«Хопіць нас ігнараваць! »: інваліды-вазочнікі правялі акцыю пратэста — фотарэпартаж 7

Мітынг, дазволены Мінгарвыканкамам, адбыўся на сцэнічнай пляцоўцы парку Дружбы народаў.

У акцыі узялі удзел блізу паўсотні чалавек, паведамляе радыё «Свабода» Праз гадзіну пасьля пачатку мітынгу быў распачаты збор подпісаў пад зваротам да Аляксандра Лукашэнкі з просьбай апэратыўнага вырашэньня праблемаў, найбольш набалелых для інвалідаў. Самая галоўная зь іх — даступнасьць асяродзьдя, яго безбар’ернасьць.

Найбольш распаўсюджаныя плякаты ў шэрагах мітынгоўцаў — «Хопіць нас ігнараваць», «Мы такія ж жыхары нашай краіны, як і ўсе» і г.д.

Гэтаксама адно з патрабаваньняў да ўладаў — каб Беларусь падпісала Канвэнцыю ААН па абароне правоў інвалідаў.

Адзін з арганізатараў акцыі — Сяргей Драздоўскі, прадстаўнік грамадзкага аб’яднаньня «Рэспубліканская асацыяцыя інвалідаў-вазочнікаў». Ён першы ўзяў слова.

Спадар Драздоўскі ўдакладніў, што 5 траўня лічыцца традыцыйным міжнародным днём салідарнасьці інвалідаў у барацьбе за свае правы і супраць дыскрымінацыі. Кожны год людзі з абмежаванымі магчымасьцямі акцэнтуюць увагу на нейкай адной праблеме. Сёлета беларускія інваліды гавораць пра безбар’ернае асяродзьдзе, паколькі людзей у вазках на вуліцах як не было, так няма і цяпер. Больш вузкі акцэнт — даступнасьці жытла.

Радыё «Свабода»; фота Сяргея Гудзіліна

0
Саша / Адказаць
05.05.2012 / 22:20
Канешне, праблема існуе, а улады не робяць ні кроку на сустрач людзям з абмежаванымі магчымасцямі. Хочацца, каб яны былі пачутыя, але вельмі у гэтым сумняваюся.... Удачы, Вам усім! Малайцы, што змагаецеся!
0
Слесар / Адказаць
05.05.2012 / 23:29
Каг гаваритсо, прочувствуйте всю прэлесть социально-ориентированного государства
0
фф / Адказаць
05.05.2012 / 23:46
нешта не заўважыла "мусаркоў" з камерамі :)
Паказаць усе каментары/ 7 /
Каб пакінуць каментар, калі ласка, актывуйце JavaScript у наладах свайго браўзеру