19.03.2007 / 19:39

Украінцы байкатуюць фільмы, дубляваныя расейскай мовай Ініцыятыва “Кіна-Пераклад” патрабуе роднай мовы ў кінатэатрах 3

Украінская ініцыятыва “Кіна-Пераклад” распачала байкот фільмаў, дубляваных расейскай мовай і зьбіраецца сачыць за колькасьцю ўкраінскамоўных фільмаў у кінатэатрах.

Украінская ініцыятыва Кіна-Пераклад распачала байкот фільмаў, дубляваных расейскай мовай. У сеціве быў абвешчаны збор подпісаў “Абяцаю не хадзіць на фільмы з расейскім перакладам”. “Кіна-Пераклад” заявіў, што першапачатковая мэта – сабраць 1000 подпісаў ужо выкананая. Наступнае заданьне – атрымаць падтрымку болей за 10000 людзей да 1 лютага 2007 году.

Мэта дадзенай акцыі – стварыць эканамічны ціск на распаўсюднікаў, якія заяўляюць, што “нібыта пераклад фільмаў украінскай энанамічна нявыгадны”.

Адылі “Кіна-Пераклад” пры падтрымцы “Пары” й руху “Ня будзь абыякавым” сталі сачыць за выкананьнем “Мэмарандуму”, які быў заключаны паміж украінскім Міністэрствам культуры, кінараспаўсюднікамі й кінатэатрамі.

Згодна з Мэмарандумам ўдзельнікі рынку абавязаліся да канца 2007 году давесьці колькасьць фільмаў, дубляваных украінскай да 50%.

“Мы жадаем, каб замежныя фільмы, што дэманструюцца ў масавым пракаце, мелі паўнавартасны ўкраінскі пераклад. Мы жадаем бачыць фільмы з украінскім перакладам у зручны для нас час і ў любым кінатэатры. Мы жадаем мець права выбару, які ў нас намагаюцца забраць лабісты рускамоўнага перакладу. Мы ня супраць рускамоўнага дубляжу, але толькі ў тым выпадку, калі ў гледача ёсьць магчымасьць выбраць сэанс з украінскім перакладам таго ж фільму,” – гаворыцца на сайце Кіна-Перакладу .

0
Паўлюк / Адказаць
20.03.2007 / 12:02
"Наступнае заданьне – атрымаць падтрымку болей за 10000 людзей да 1 лютага 2007 году". - ужо 20-га сакавіка :-\ "энанамічны невыгодны" - напэўна, эканамічна нявыгадны? выгодны і выгадны - гэта розныя словы! "фільмаў, дубляжаваных" - ці дубляваных?
0
rasinski / Адказаць
20.03.2007 / 21:00
Дзякуй, выправіў.
0
ФГ / Адказаць
20.03.2007 / 22:31
Нам неабходна гэтак жа ратаваць сваю мову і культуру. А можа і нашмат больш зацята. Бо нас , беларусаў, фізічна ў 5 разоў менш, чым украінцаў. Таму нам прыходзіцца яшчэ цяжэй, чым ім у адстойванні нацыянальных каштоўнасцяў нашых - мовы і культуры.
Каб пакінуць каментар, калі ласка, актывуйце JavaScript у наладах свайго браўзеру