Лукашэнка на фінале «Міс Беларусь» сядзеў між красуняў 30

Фінальнае шоу нацыянальнага конкурсу прыгажосці «Міс Беларусь-2012», якое вечарам 4 мая ў мінскім Палацы спорту выйграла Юлія Скалковіч з Брэста, наведаў Аляксандр Лукашэнка.

Як і на многіх іншых свецкіх мерапрыемствах, якія наведвае Лукашэнка, побач з ім абавязкова ўсаджваюць прыгожую маладую дзяўчыну, а то і не адну.

На фінале «Міс Беларусь-2012» Лукашэнка літаральна з усіх бакоў быў аточаны юнымі красунямі, з ліку якіх, вядома, варта выключыць асабістага целаахоўніка, які размясціўся крыху вышэй, і кіраўніка канала АНТ Рыгора Кісяля, які на правах гаспадара шоў праваруч. Праўда, паміж Лукашэнкам і Кісялём была «праслойка» у выглядзе брунэткі ў чорнай сукенцы.

Дарэчы, фотакарэспандэнтаў, якія прысутнічалі ў Палацы спорту, загадзя папярэдзілі, што здымаць Лукашэнка нельга. Саромеўся, ці што?! А вось на тэлеаператараў забарона, натуральна, не распаўсюджвалася, а то б глупства атрымалася — вядучыя Лукашэнку прадстаўляюць, а па тэлевізары яго не паказваюць.

naviny.by

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ