Апошні школьны званок для выпускнікоў у Мінску прагучыць 30 мая

Аб гэтым паведаміў старшыня камітэта па адукацыі Мінгарвыканкама Уладзімір Шчэрба сёння на аператыўнай нарадзе ў гарвыканкаме.

Для навучэнцаў з 1-га па 8-ы і 10-х класаў навучальны год завершыцца 31 мая, а для выпускнікоў 9-х і 11-х класаў апошні школьны званок празвініць 30 мая.

«У гэты дзень будзе арганізавана свята „Апошні званок“. Упраўленням адукацыі і кіраўнікам устаноў даручана арганізаваць правядзенне традыцыйных святочных мерапрыемстваў на базе агульнаадукацыйных устаноў», — адзначыў Уладзімір Шчэрба.

У далейшым выпускнікоў чакае здача выпускных іспытаў.

Выпускнікі 9-х класаў будуць здаваць чатыры абавязковыя экзамены з 2 па 11 чэрвеня.

Пісьмовыя іспыты па вучэбных прадметах будуць пачынацца ў 9.00. Выпускнікам 11-х класаў трэба будзе здаваць тры экзамены з 1 па 8 чэрвеня.

Таксама 2–10 чэрвеня будуць праводзіцца пісьмовыя ўступныя іспыты па рускай і беларускай мовах і матэматыцы для паступлення ў гімназіі. Рэзервовы дзень для здачы гэтых прадметаў запланаваны на 11 чэрвеня. «У гэты дзень здаць экзамен змогуць тыя, хто па ўважлівых прычынах не змог з’явіцца на ўступны іспыт ва ўстаноўлены тэрмін», — растлумачыў Уладзімір Шчэрба. Згодна з дзеючым заканадаўствам, пры прыёме ў гімназію будуць улічвацца як вынікі ўступных іспытаў, так і гадавыя адзнакі за прадметах, які здаюцца. Залічэнне ў гімназію будзе праводзіцца да 12 чэрвеня.

Уступныя іспыты ва агульнаадукацыйныя ліцэі для выпускнікоў 9-х класаў будуць праходзіць 15 і 19 чэрвеня.

Рэзервовы дзень запланаваны на 21 чэрвеня. Залічэнні ў ліцэі завершацца да 25 чэрвеня. Што датычыцца паступлення ў кадэцкія вучылішчы, там экзамены пройдуць з 20 да 30 чэрвеня, залічэнне — да 2 ліпеня.

«Таксама будзе праведзена кампанія для паступлення ў першыя класы з 2 чэрвеня па 28 жніўня, гэта значыць на працягу ўсяго лета бацькі будучых першакласнікаў змогуць прынесці ў школу неабходныя дакументы», — паведаміў Уладзімір Шчэрба.

Акрамя таго, стартавала ўступная кампанія ў вышэйшыя навучальныя ўстановы, з 2 мая па 1 чэрвеня праводзіцца рэгістрацыя абітурыентаў. Графікі цэнтралізаваных тэсціраванняў вызначаны — правядзенне апошняга іспыту назначана на 27 чэрвеня, рэзервовы дзень — 4 ліпеня.

У гэтым годзе навучанне на ўзроўні базавай адукацыі завяршаюць 13 670 навучэнцаў (у мінулым навучальным годзе — 14 999 чалавек), на ўзроўні агульнай сярэдняй адукацыі — 9 636 (12 267).

БелТА

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ