Справа кіраўніка інфармацыйна-асветніцкай установы "Платформа" Андрэя Бандарэнкі па факце абмежавання яму выезду за межы Рэспублікі Беларусь будзе разгледжаная Вярхоўным Камісарам ААН па правах чалавека.Пра гэта "Платформу" паінфармавалі ў Фондзе дамоў правоў чалавека ў Жэневе.
Справа Бандарэнкі было ўзнятая 11 мая падчас паседжання Камітэта ААН супраць катаванняў з прадстаўнікамі недзяржаўных арганізацый.У бліжэйшы час камітэт падрыхтуе меркаванне па гэтай справе.
Акрамя гэтага, спецдакладчыка па становішчы праваабаронцаў праінфармавалі пра ціск на Бандарэнку, што выявіўся ў забароне яму выязджаць за межы Беларусі.
Нагадаем, 15 сакавіка ў пункце мытнага кантролю "Брэст-Цэнтральны" Андрэй Бандарэнка быў зняты з цягніка "Мінск-Варшава". Як растлумачыў супрацоўнік пункта мытнага кантролю, яму адмоўлена ў выездзе за межы Беларусі.
Як паведамілі дырэктару "Платформы" у падраздзяленні па грамадзянстве і міграцыі Кастрычніцкага РУУС, адмова звязаны з "ухіленнем ад яўкі на мерапрыемствы па прызыву на вайсковую службу, службу ў рэзерве".
Пасля атрымання адказу падраздзялення па грамадзянстве і міграцыі, Бандарэнка звярнуўся ў ваенкамат па месцы жыхарства, дзе яму паведамілі, што ніякіх позваў аб праходжанні службы ў рэзерве яму не накіроўвалася.
Атрымаўшы афіцыйны адказ з ваенкамата па месцы жыхарства, Бандарэнка звярнуўся па тлумачэнні ў Міністэрства абароны, якое пераадрасаваў яго ў МУС.
20 сакавіка Бандарэнка падаў у суд на дзеянні МУС і Мінабароны, якія абмяжоўваюць яму выезд за межы Рэспублікі Беларусь.
Суддзя Цэнтральнага раёна Мінска Алена Сямак, якой было перададзена ў вытворчасць заяву Андрэя Бандарэнкі, да гэтага часу не прызначыла дату разгляду заявы ў судовым пасяджэнні, паведамляе "Платформа".
