14.05.2012 / 12:53

Лукашэнка: У нас абсалютна ідэнтычныя погляды 4

Адбылася сустрэча кіраўнікоў Беларусі і Казахстана ў Мінску.

Аляксандр Лукашэнка заявіў пра супадзенне пазіцый Беларусі і Казахстана ў пытаннях развіцця інтэграцыйных працэсаў, у тым ліку адносна функцыянавання Адзінай эканамічнай прасторы.

«Што тычыцца АЭП, у нас тут абсалютна ідэнтычныя погляды», — заявіў Лукашэнка 14 мая ў Мінску.

«Недалёкі той час, калі выказаная вамі паўтара дзясятка гадоў таму ідэя аб стварэнні Еўразійскага саюза не толькі набудзе абрысы, але і напоўніцца канкрэтным зместам. У нас няма нявырашаных палітычных праблемаў, гэтак жа мы дзейнічаем і ў эканамічным рэчышчы», — адзначыў Лукашэнка.

Лукашэнка падзякаваў Назарбаеву, што той «цвёрда трымае сваё слова, мы сустракаемся ў Астане і Мінску, каб кантраляваць прынятыя раней рашэнні».

Лукашэнка адзначыў, што падчас гэтага візіту ён сустракаецца з Назарбаевым ужо не першы раз:

«Мы мелі магчымасць абмеркаваць вельмі шмат пытанняў, і я ўдзячны вам за тое, што вы прыехалі паглядзець Белавежскую пушчу — гэты ўнікальны аб’ект».

У мінулыя выхадныя кіраўнікі Беларусі і Казахстана нефармальна размаўлялі ў Белавежскай пушчы.

Нурсултан Назарбаеў заявіў, што ён «захоплены тым, што выхадныя правялі разам»: «Я ўпершыню наведаў выдатны куток нашай планеты. Беларусь для нас — стратэгічны партнёр, блізкі сябра і саюзнік. У нас вялікія чаканні ад Мытнага саюза, АЭП, што яшчэ больш збліжае нашы краіны. Бліжэйшых саюзнікаў, чым Расія, Беларусь і Казахстан, на постсавецкай прасторы няма».

Назарбаеў выказаў упэўненасць у тым, што цяперашні візіт у Беларусь «падыме нашы адносіны на новую вышыню».

Кіраўнікі Беларусі і Казахстана паведамілі, што пасьля перамоваў у Менску накіруюцца ў Маскву, дзе 15 мая пройдзе саміт АДКБ і нефармальная сустрэча лідараў кіраўнікоў дзяржаў СНД.

0
1 / Адказаць
14.05.2012 / 13:22
Так в чем конкретно заключаются позиции 3 стран по развитию интеграционных процессов? Белорусов дешевых подержаных иномарок уже лишили, которые могла приобрести почти любая семья. Будем сейчас уваличивать производительность труда, чтобы они опять стали доступны? Жигули у нас все равно никто покупать не хочет, а на новую машину денег нет. Еще сюрпризы будут, чего нас еще лишат? На что мы еще больше должны будем работать? Квартиры россияне в Минске готовы покупать за 2 тыс доллоров за метр? Как белорусам сейчас заработать на квартиры? Или они должны в агрогордки переезжать? Нас хотят превратить в обслугу для прохиндеев с деньгами?
0
1 / Адказаць
14.05.2012 / 13:56
Зачем нам этот союз? Нефть дешевеет. За какие деньги Россия будет покупать продукцию ведущих производителей? Наша может оказаться вполне конкурентоспособной на их рынке по цене, да и новыми разработками нужно заниматься, чтобы выходить на цивилизованые рынки, а то России может и еду не на что будет купить, если цены на энергоносители упадут, как уже бывало. Сами они все равно уже ничего производить не умеют.
0
хороший совет / Адказаць
14.05.2012 / 16:40
Приедет Вова Пу и разберётся, не чирикай раньше времени.
Паказаць усе каментары/ 4 /
Каб пакінуць каментар, калі ласка, актывуйце JavaScript у наладах свайго браўзеру