14.05.2012 / 20:55

66% беларускіх сем'яў маюць адно дзіця 13

Хоць і мараць пра два-тры.

Найбольш распаўсюджаная ў Беларусі сям’я з мужа і жонкі і аднаго дзіцяці,
паведаміла намеснік начальніка ўпраўлення народанасельніцтва, гендарнай і сямейнай палітыкі Міністэрства працы і сацыяльнай абароны Марына Арцёменка 14 мая на прэс-канферэнцыі ў Мінску.

Паводле яе слоў, сёння гэта характэрна як для сельскай мясцовасці, так і для горада. Зараз пераважная большасць сем’яў маюць адно дзіця — 65,8%.

Двух дзяцей маюць 28,9% сем’яў, трох і больш — прыкладна 5%.

Разам з тым у 2011 годзе інфармацыйна-аналітычным цэнтрам пры Адміністрацыі прэзідэнта было праведзена сацыялагічнае даследаванне па пытанні стварэння сям’і і нараджэння дзяцей, якое выявіла, што прыкладна 60% рэспандэнтаў жадалі б мець двух дзяцей, 22% — трох і больш, і толькі 13% — адно дзіця.

«Таму заканамерна, што задача дзяржавы заключаецца ў тым, каб стварыць такія ўмовы для сям’і, пры якіх нараджэнне дзіцяці ва ўсякім разе не пагоршыла б дабрабыт сям’і і не паўплывала б кардынальным чынам на звыклы лад жыцця», — сказала Арцёменка.

Яна нагадала, што ў ліку мер па падтрымцы сем’яў — дзяржаўныя дапамогі, якія выплачваюцца больш як чвэрці сем’яў. Дапамогу па доглядзе за дзіцем да трох гадоў атрымліваюць амаль 97% сем’яў з такімі дзецьмі. Яе памер складае 743 тыс. 20 рублёў. Дапамога па доглядзе за дзіцем, якому больш за тры гады, складае 371 тыс. 510 рублёў. Яе выплачваюць 8,6% сем’яў, у якіх ёсць дзіця такога ўзросту. Памер дапамогі ў сувязі з нараджэннем дзіцяці складае: пры нараджэнні першынца — 7 млн. 430 тыс. 200 рублёў, пры нараджэнні другога і наступных дзяцей — 10 млн. 402 тыс. 280 рублёў.

Арцёменка нагадала пра магчымасць атрымання сем’ямі дзяржаўнай адраснай сацыяльнай дапамогі. За студзень-сакавік атрымальнікамі такой дапамогі сталі 66,5 тыс. чалавек, на гэтыя мэты зрасходавана 65,1 млрд. рублёў. У 2011 годзе атрымальнікамі адраснай сацыяльнай дапамогі былі 220,2 тыс. чалавек, на гэтыя мэты зрасходавана 90,7 млрд. рублёў.

Акрамя таго, у Беларусі дзейнічае сістэма забеспячэння бясплатным харчаваннем дзяцей да двух гадоў. Больш за 17% дзяцей гэтага ўзросту атрымліваюць такую падтрымку.

0
мнс з мінску / Адказаць
14.05.2012 / 21:35
вось назбіраю грошай на кватэру - перайду з 66% у 28.9%, калі да таго часу 40 год не стукне :\
0
вось так / Адказаць
14.05.2012 / 23:52
371 тыс. 510 рублёў Гэта здаецца = 20 $ у месяц дапамнога на ДЗІЦЯ!!? Организация «Спасем детей» (Save the Children) опубликовала свой ежегодный доклад под названием «Состояние матерей в мире» (State of the World’s Mothers), и в очередной раз приведенные данные относительно самой богатой страны в мире оказались не столь впечатляющими. Соединенные Штаты занимают в этом списке 25 место – сразу после белорусской диктатуры БЕДНЫЕ СОЕДИНЕННЫЕ ШТАТЫ! ИХ МАТЕРИ МЕЧТАЮТ О БЕЛОРУССКИХ 20$ В МЕСЯЦ!
0
Дуберман / Адказаць
15.05.2012 / 07:58
а я когда насобираю деньги на квартиру, войду в 66%, а что? Чарли Чаплин стал папой в 70 лет. Я побью его рекорд...
Паказаць усе каментары/ 13 /
Каб пакінуць каментар, калі ласка, актывуйце JavaScript у наладах свайго браўзеру