Гомельская гасцініца «Турыст» скасавала дагавор аб арэндзеканферэнц-залы для прэзентацыі фільма «Лінія Сталіна — Гомельскі рэгіён», прысвечанага сталінскім рэпрэсіям на тэрыторыі вобласці.
Грамадскія актывісты планавалі правесці прэзентацыю 19 мая. Арганізатарам выступіла кааліцыя «Наша альтэрнатыва».
Як паведаміў аўтар ідэі фільма Канстанцін Жукоўскі, 15 мая ён заключыў дагавор з адміністрацыяй гасцініцы на арэнду
Ён звязвае адмову ў арэндзе з тым, што актывісты 16 мая запрасілі на прэм’еру супрацоўнікаў КДБ, ідэалагічных аддзелаў і БРСМ.«Нам было цікава правесці шырокую грамадскую дыскусію на тэму ролі Сталіна ў гісторыі з зацікаўленымі людзьмі. Мабыць, у прадстаўнікоў улады і сілавых структур няма аргументаў супраць таго, што паказана ў нашым фільме, факт сталінскіх рэпрэсій яны адмаўляюць, бо лічаць сябе нашчадкамі таго рэжыму», — выказаў меркаванне Жукоўскі.
Фільм здымаўся са жніўня 2011 года па сакавік 2012 года. Актывісты збіралі інфармацыю аб месцах масавых растрэлаў людзей, паказанні сведак, сваякі якіх зведалі сталінскія рэпрэсіі.
«Лінія Сталіна — гэта не абарончы рубеж у Мінскай вобласці, а лінія тэрору супраць беларускага народа. На жаль, улады ўпарта замоўчваюць гістарычныя факты, адмаўляючы сталінскія рэпрэсіі. Аб гэтым гаворыць і той факт, што калі ў 2007 годзе пад Гомелем раскапалі месцы масавых расстрэлаў людзей, улады палічылі за лепшае адмаўчацца і сказалі, што там былі забіты чырвонаармейцы», — дадаў суразмоўца БелаПАН.
