17.05.2012 / 17:59

«Здаровы сэнс — гэта жмут забабонаў, атрыманых да васемнаццацi гадоў» 7

9 сакрэтаў поспеху ад Альберта Эйнштэйна.

Альберт Эйнштэйн — адзін з самых вядомых асобаў у гісторыі, і хто ведае, як бы развіваліся падзеі далей, калі б ён не стварыў сваю знакамітую тэорыю верагоднасцяў. Аднак сёння размова пойдзе зусім не пра фізіку і не пра біяграфію Эйнштэйна, а пра яго падыход да жыцця. Дастаткова прыняць да ўвагі некалькі яго цытат, і ўжо на аснове гэтага можна выбудаваць дастаткова ўдалую канцэпцыю поспеху, які суправаджаў навукоўца да самага канца.

1) Трымайце ваш розум адкрытым

«Адзінае, што перашкаджае маёй далейшай вучобе — гэта мая адукацыя»

Часам, для таго, каб працягваць паглынаць новыя веды і рухацца наперад, трэба нарэшце пакінуць багаж са свайго мінулага. Нейкія веды застаюцца каштоўнымі, а некаторыя ўжо даўно састарэлі, але мы, як і раней, за іх чапляемся. Менавіта яны і перашкаджаюць нам набываць новыя навыкі. Свет не стаіць на месцы. Калі б людзі не ўмелі пазбаўляцца ад такога багажу, мы б, як і раней, лічылі, што Зямля плоская і трымаецца на трох кітах і чарапасе.

2) Будзьце цікаўнымі

«У мяне няма ніякіх асаблівых талентаў. Я проста шалёна цікаўны»

Некаторыя людзі, пераросшы свой дзіцячы век, лічаць, што няветліва задаваць шмат пытанняў. А некаторым удаецца захаваць гэта каштоўнае спалучэнне цікаўнасці і дзіцячай непасрэднасці на працягу ўсяго жыцця. Так, некаторыя мудрыя людзі любяць казаць, што цікавасць забіла котку. Але некаторым коткам яна выратавала жыццё.

Мне заўсёды здавалася, што цікаўнасць можна параўнаць з рознакаляровымі звязанымі хусцінкамі, якія вы пачынаеце выцягваць з капелюша фокусніка. Спачатку здаецца, што хусцінка там адна. Затым, калі вы амаль выцягнулі, за ёй паказваецца другая, потым трэцяя, і гэтак далей! Вам цікава, што ж будзе далей, калі яны нарэшце скончацца? Часам здаецца, што гэтая звязка не мае канца. Гэтак жа і з пытаннямі — задаючы адно, вы знаходзіце на яго адказ, які, у сваю чаргу, цягне за сабой яшчэ больш пытанняў. І вы ніколі не можаце быць упэўненым у тым, наколькі доўгім будзе гэты ланцужок, і да чаго ён у выніку прывядзе.

3) Радуйцеся памылкам

«Той, хто ніколі не памыляўся, ніколі не спрабаваў нічога новага»

Ісціна гэтая старая, як свет — на памылках вучацца. Часцей за ўсё на сваіх, вельмі рэдка — на чужых. Пры ўсёй сваёй непрыемнасці, памылкі дапамагаюць нам пазбегнуць падобных сітуацый у будучыні і даюць нам неабходны досвед.

Прызнанне сваіх памылак і іх перапрацоўка даецца шматлікім людзям досыць складана і хваравіта. Але менавіта гэта дазваляе нам вызначыць тое, наколькі правільным з’яўляецца абраны намі кірунак. Нарэшце, дзякуючы памылак было створана мноства геніяльных і смачных рэчаў, пачынаючы ад булачак з разынкамі і заканчваючы новымі хімічнымі злучэннямі.

4) Змяніце сваё стаўленне, і вы зменіце сваё жыццё

«Мы не можам вырашыць праблемы, выкарыстоўваючы той жа тып мыслення, які мы выкарысталі, калі іх стваралі»

Для таго, каб знайсці выйсце з сітуацыі, трэба зірнуць на яе з іншага боку. «З іншага» — азначае «з чужога». З чужой пазіцыі, пад іншым вуглом — выбірайце, што больш пасуе. Часам мы атрымліваем правільны адказ ад тых людзей, ад якіх яго менш за ўсё чакалі. І ўсё таму, што іх ход мыслення адрозніваецца ад нашага, і яны могуць заўважыць тое, што знаходзіцца ў зоне нашай «сляпой плямы».

Тое ж тычыцца і стаўлення да сітуацыі, якую змяніць нельга. Ці да якіх-небудзь мінулых падзей. Фізічна мы ўжо нічога не можам змяніць, затое мы можам змяніць сваё стаўленне да гэтага. Калі мы мяняем сваё стаўленне да навакольнага свету, свет адгукаецца і пераглядае сваё стаўленне да нас;)

5) Рызыкуйце

«Здаровы сэнс — гэта жмут забабонаў, атрыманых да васемнаццацi гадоў»

Гэта зусім не азначае, што трэба кідацца ва ўсе авантуры на злом галавы. Здаровы сэнс — гэта лекі, карысныя ва ўмераных дозах. А часам ён турэмшчык для геніяльных ідэй, якія могуць крута змяніць наша жыццё да лепшага. Таму што часам нават вар’яцкія ідэі і ўчынкі аказваюцца найбольш правільнымі.

6) Заўсёды выкладацца напоўніцу

«Вы павінны вывучыць правілы гульні. А потым вы павінны гуляць лепш, чым хто-небудзь іншы»

Для таго, каб дамагчыся поспеху, трэба прыкладаць усе свае намаганні. І нават дасягненне жаданага выніку ні ў якім разе не азначае, што мы можам скласці рукі і спачываць на лаўрах. Таму што, калі мы гэта зробім, рана ці позна нехта іншы сапхне нас з гэтай вяршыні. І для таго, каб пастаянна знаходзіцца на грэбні хвалі, мы павінны адточваць свае навыкі, пакуль яны не стануць дасканалымі. І нават гэта не дае нам права спыняцца. Таму што гэты вар’яцкі свет ніколі не стаіць на месцы, і ў ім могуць змяняцца нават законы фізікі, якія раней здаваліся непарушнымі.

7) Жывіце момантам

«Я ніколі не думаю пра будучыню — яна надыходзіць занадта хутка»

Наяўнасць мэтаў і ўсведамленне таго, дзе вы хочаце быць фізічна, псіхічна і фінансава, з’яўляецца вельмі важным. Правільна абраная мэта, як дарожны знак, які паказвае нам, куды ісці далей, і дапамагае заставацца засяроджанымі. Аднак варта адрозніваць планы на будучыню і занепакоенасць з нагоды таго, што можа ці не можа адбыцца праз 5–10 гадоў.

8) Стварайце каштоўнасць

«Імкніцеся хутчэй не да поспеху, а да каштоўнасцяў»

Калі гаворка ідзе аб дасягненні поспеху, то ёсць два варыянты развіцця падзей: ці вы концэнтруецеся на тым, чаго вы хочаце ад жыцця і ад навакольных, або на стварэнні таго, што зменіць жыццё іншых і павысіць каштоўнасць навакольнага свету. Вы можаце дасягнуць поспеху і ў першым выпадку, аднак у другім выпадку вы сапраўды будзеце паспяховым чалавекам, які змяніў нешта ў свеце.

9) Засяродзьцеся на галоўным

«Не ўсё, што лічыцца, можна падлічыць, і не ўсё, што можна падлічыць, лічыцца»

Гэтая фраза да гэтага часу вісіць у выглядзе таблічкі ў кабінеце Эйнштэйна ў Прынстанскім універсітэце ў якасці напамінку аб тым, што сапраўды важна ў нашым жыцці. Для Альберта такіх рэчаў было ўсяго дзве — каханне і шчасце.

0
Volat / Адказаць
17.05.2012 / 18:08
Заўсёды думаў, што Эйнштэйн прабіўся ў людзі, бо быў геніем. А тут раптам высвятляецца, што дзякуючы 9-ці парадам з псіхатрэнінгаў а-ля "як стаць шчаслівым, прыгожым і паспяховым".
0
Danila / Адказаць
17.05.2012 / 20:24
Эйнштэйн - аўтар тэорыі адноснасці. Аўтару артыкула і рэдакцыі нядрэнна хоць калі-некалі зазіраць у вікіпедыю.
0
Павал / Адказаць
17.05.2012 / 21:06
Памылка ў тэксце: Энштэйн стварыў тэорыю адноснасці, а не верагоднасці, дарэчы памылка і ў крыніце :-) Эйнштэйн сапраўды геній, папярэдні каментатар не ў тэме.
Паказаць усе каментары/ 7 /
Каб пакінуць каментар, калі ласка, актывуйце JavaScript у наладах свайго браўзеру